Famous Actor : సినిమా ప్రపంచంలో దర్శకులు, నిర్మాతలు, నటులు వేర్వేరు కేటగిరీల్లో ఉండేవారు. ఒకరి పని మరొకరు చేసే వారు కాదు. 80 వ దశకం వచ్చే సరికి కొద్దిగా మార్పులు జరిగాయి. ప్రొడక్షన్ వైపు స్టార్ యాక్టర్స్ వెళ్లారు. ఇక 90వ దశకం వచ్చే వరకు డైరెక్టర్లు నటనవైపునకు మళ్లారు. ఇక 20వ దశాబ్ధంలో సినిమా దర్శకులే చేయాలి, నటులు కేవలం నటించాలి. ప్రొడ్యూసర్లు డబ్బు మాత్రమే పెట్టాలన్న బేధం పోయింది. ఎవరికి ఏది ఇంట్రస్ట్ అనిపిస్తే అది చేసేస్తున్నారు. నటులు పెద్ద పెద్ద ప్రొడక్షన్ హౌజులు పెడుతున్నారు. దర్శకులు స్టార్ నటుల స్థానలను భర్తీ చేస్తున్నారు. ప్రొడ్యూసర్లు డిస్ట్రిబ్యూషన్ ఏరియాల బాధ్యతలు వహిస్తున్నారు.
ఇక్కడ కనిపిస్తున్నది ఒక దర్శకుడు కాదు.. కాదు.. స్టార్ నటుడు. ఆయన నటించిన పాత్రలకు రివార్డులు, అవార్డులు దక్కాయి. కాదు.. కాదు.. ప్రొడ్యూసర్ కూడా ఒకటి రెండు సినిమాలను నిర్మించారు కూడా. కాదు.. కాదు.. సీరిస్ విలన్. ఇంత పరిచయం చేశాం కదా ఆయన ఎవరో గుర్తు పట్టారా?
ఆయనే ‘సముద్రఖని’. ఈ మధ్య తెలుగు సినిమాల్లో వరుస విలన్ పాత్రలు వేస్తున్నది ఇతడే. అల వైకుంఠపురములో, ఆర్ఆర్ఆర్, క్రాక్, సర్కారు వారి పాట, హను-మాన్ ఇలా విలన్ పాత్రలే కాకుండా డిఫరెంట్ పాత్రలు వేస్తూ ఫేమ్ సొంతం చేసుకున్నాడు.
నటుడిగా మంచి గుర్తింపే తెచ్చుకున్నాడు గానీ ఆయన కెరీర్ మాత్రం దర్శకత్వ శాఖలో మొదలైంది. డిగ్రీ పూర్తయిన వెంటనే నటుడు అయిపోదామని ఇండస్ట్రీకి వచ్చాడు. తొలుత తమిళంలో సీరియల్స్ తర్వాత సినిమాల్లో చిన్న చిన్న రోల్స్ చేశాడు. ప్రముఖ దర్శకుడు బాలచందర్ వద్ద సహాయ దర్శకుడిగా కూడా పని చేశాడు. అప్పటి నుంచి డైరెక్షన్ మీద ఇంట్రెస్ట్ పెంచుకొని హిట్ సినిమాలు చేశాడు.
2001 నుంచి నటుడు, దర్శకుడిగా కొలీవుడ్ లో గుర్తింపు తెచ్చుకోగా.. ‘అల వైకుంఠపురములో’తో తెలుగులోకి ఎంట్రీ ఇచ్చి ఇక్కడ కూడా బిజీగా మారాడు. గతేడాది పవన్ కల్యాణ్ హీరోగా ‘బ్రో’ను తెరకెక్కించాడు. కేవలం యాక్టింగ్, డైరెక్షనే కాదు డబ్బింగ్, ప్లేబ్యాక్ సింగర్ క్వాలిటీస్ కూడా ఉన్నయి మనోడికి. సముద్రఖని పాత ఫొటో సోషల్ మీడియాలో వైరల్ గా మారింది. ఈ ఫొటోను చూసి గుర్తుపట్టడం చాలా కష్టం.