Pawan Kalyan VS JR NTR : జనసేన అధినేత పవన్ కళ్యాణ్ కాకినాడలో ‘వారాహి యాత్ర’ చేస్తున్నాడు. ఆయన యాత్రలో వందలాది నుంచి వేలాది మంది వరకు పాల్గొంటున్నారు. ప్రతీ నియోజకవర్గంలో సాయంత్రం వేళ భారీ రోడ్ షో నిర్వహిస్తున్న ఆయన పలు ఆసక్తి కర విషయాలను పంచుకుంటున్నారు. సనిమాలకు రాజకీయాలకు ముడిపెట్టడం సరికాదంటూ పవన్ కళ్యాణ్ చేసేన వ్యాఖ్యలు పార్టీతో పాటూ అభిమానులు, కార్యకర్తలో కాసేపు టెన్షన్ క్రియేట్ చేశాయి.
‘వారాహి యాత్ర’ శుక్రవారం పిఠాపురంలో కొనసాగింది. ఈ సందర్భంగా జూ. ఎన్టీఆర్పై పవన్ కళ్యాణ్ కీలక వ్యాఖ్యలు చేశారు. రోడ్ షోలో భాగంగా పిఠాపురంలో పవన్ మాట్లాడారు.. ‘నేను ఫ్యాన్ క్లబ్ పెట్టలేదు. తోటి ఆర్టిస్ట్ లు, నటులపై నాకు గౌరవం, ఇష్టం ఉంటుంది. వాళ్ల సినిమాలను కూడా నేను బాగా చూస్తాను. సినిమా వేరు రాజకీయం వేరు. మీరందరూ రకరకలా హీరోలను అభిమానించండి.. ఇష్టపడండి. కానీ, రాష్ట్ర ప్రయోజనాల దగ్గరకు వచ్చే సరికి. కేవలం వాటి గురించి మాత్రమే ఆలోచించండి. నాకు రామ్ చరణ్ ఇష్టం.. అలాగే జూనియర్ ఎన్టీఆర్ అంటే కూడా ఇష్టం.. ఇక ప్రభాస్ అంటే.. చిరంజీవి అంటే ఇలా చెప్పుకుంటూ పోతే అందరినీ ఇష్టపడతాను. అందరి సినిమాలు చూస్తాను. ఇది నాకు ఆనందం. నా ఒక్కడి వల్ల చిత్ర పరిశ్రమ నిలబడుతుందా.. దేశంలోని నటుల్లో అత్యధిక రెమ్యూనరేషన్ తీసుకునే వారిలో నేనూ ఒకడ్ని. నేనొకడిని మాత్రమే అని చెప్పడం లేదు. నేను ఓ సినిమా చేస్తే దాని వలన 500 మందికి ఉపాధి లభిస్తుంది’ అన్నారు పవన్ కళ్యాణ్.
పవన్ కళ్యాణ్ కు జూనియర్ ఎన్టీఆర్ అంటే ఇష్టం అన్న వ్యాఖ్యలకు సంబంధించిన వీడియో సోషల్ మీడియాలో ప్రస్తుతం వైరల్గా మారింది. అటు పవన్ ఫ్యాన్స్.. ఇటు జూనియర్ ఎన్టీఆర్ ఫ్యాన్స్.. వీడియోను షేర్ చేస్తూ హల్చల్ చేస్తున్నారు. మరో ఆరు నెలలు ‘వారాహి యాత్ర’ కొనసాగనుంది. మొదట ఉభయ గోదావరి జిల్లాలో పర్యటించనున్నారు. తర్వాత మిగిలిన జిల్లాల్లో పర్యటిస్తారు. అందుకు షెడ్యూల్ పెట్టుకుంటారు.
 |
ReplyForward
|
