Telangana Weather : నేటి నుంచి వారం రోజుల పాటు తెలంగాణలోని పలు జిల్లాల్లో వర్షాలు పడే అవకాశముందని హైదరాబాద్ వాతావరణ కేంద్రం తెలిపింది. ఆవర్తనం, ద్రోణి ప్రభావంతో రాష్ట్రంలో తేలికసాటి నుంచి ఒక మోస్తరు వర్షాలు కురుస్తాయని, ఉరుములు, మెరుపులతో గంటకు 50 నుంచి 60 కి.మీ. వేగంతో ఈదురుగాలులు వీస్తాయని, వర్షాలతో పాటు వడగండ్ల వానలు కురిసే అశకాముందని హెచ్చరించింది.
ఈరోజు సిరిసిల్ల, కరీంనగర్, భద్రాద్రి, హనుమకొండ, కామారెడ్డి, మహబూబాబాద్, జగిత్యాల, నాగర్ కర్నూల్ జిల్లాల్లో వడగండ్లు పడే అవకాశముందని తెలిపింది. ఎండలతో సతమతమవుతున్న ప్రజలకు ప్రస్తుతం కురుస్తున్న వర్షాలు కాస్త ఉపశమనం కలిగిస్తుండగా కల్లాల వద్ద ధాన్యం తడుస్తుండడంతో రైతులు ఆందోళన వ్యక్తం చేస్తున్నారు.