Renu Desai comments on Pawan fans : హీరోయిన్ రేణు దేశాయ్ అంటే తెలియని వారు లేరు.. ఈమె హీరోయిన్ గా మాత్రమే కాదు.. దర్శకురాలిగా కూడా సుపరిచితమే. అంతేకాదు ఈ భామ పవర్ స్టార్ పవన్ కళ్యాణ్ మాజీ భార్య అనే విషయం తెలిసిందే. పవన్, రేణు దేశాయ్ ప్రేమించుకుని పెళ్లి చేసుకున్నారు. వీరికి ఇద్దరు పిల్లలు కూడా ఉన్నారు.. అయితే వీరి మధ్య బేధాభిప్రాయాలు రావడం వల్ల విడిపోయారు.
విడాకుల తర్వాత కూడా రేణు దేశాయ్ ఎప్పుడు ఏదొక విషయంలో వార్తల్లో నిలుస్తూనే ఉంటుంది.. ఇక తాజాగా రేణు దేశాయ్ సోషల్ మీడియాలో ట్రేండింగ్ లో ఉంది.. కొద్దిరోజుల క్రితం రేణు పవన్ తో విడాకుల గురించి పలు వ్యాఖ్యలు చేయడంతో ఆమెపై సోషల్ మీడియా వేదికగా దారుణమైన కామెంట్స్ చేస్తున్నారని ఆమె వాపోతుంది.
ఈ వివాదంపై ఈమె మాట్లాడుతూ.. నా విడాకుల విషయంలో నా మాజీ భర్త ఎలా మోసం చేసాడు అని గతంలో చెప్పినప్పుడు అతడి ఫ్యాన్స్ నన్ను దారుణంగా తిట్టారు.. కొన్ని అభ్యంతరకర పదాలతో తిట్టారు. ఇక దేశ పౌరురాలిగా నేను అతనికి సపోర్ట్ గా రెండు మాటలు మాట్లాడితే అతడ్ని ద్వేషించేవారు తిడుతున్నారు. నన్ను దుర్భాష లాడుతున్నారు అంటూ ఈమె వాపోతుంది.
నా మాజీ భర్త గురించి అప్పట్లో నేను మాట్లాడింది నిజం.. ఆ రోజు అలా మాట్లాడినందుకు నేను కొందరి నుండి డబ్బు తీసుకున్న అని కామెంట్స్ చేసారు.. ఇప్పుడు కూడా మళ్ళీ అదే జరుగుతుంది. నా మాజీ భర్తకు అనుకూలంగా ఉండే వారి నుండి డబ్బు తీసుకున్నానని ఆరోపిస్తున్నారు. అందులో నిజం లేదు.. నా గురించి దుర్భాషలాడకండి.. అంటూ ఈమె చేసిన వ్యాఖ్యలు వైరల్ అవుతున్నాయి..