Tamannaah Bhatia :
అదేంటో గానీ ఈ నడుమ సౌత్ హీరోయిన్లు బాలీవుడ్ కు వెళ్లాక అందాల ఆరబోత విషయంలో బాగా రెచ్చిపోతున్నారు. అంతే కాకుండా వారి ప్రవర్తనలో కూడా బాగా ఛేంజెస్ వస్తున్నాయి. ఎంతగా అంటే ఏకంగా సౌత్ ఇండస్ట్రీపై ఇష్టం వచ్చినట్టు మాటలు అనేస్తున్నారు. ఇక్కడ స్టార్ డమ్ తెచ్చుకుని బాలీవుడ్ కు వెళ్లాక ఇలా మాట్లాడుతున్నారు కొందరు హీరోయిన్లు.
ఇప్పుడు తమన్నా కూడా ఇదే లిస్టులో చేరిపోయింది. ఆమె దశాబ్ద కాలానికి పైగా సౌత్ ఇండస్ట్రీలో టాప్ హీరోయిన్ గా రాణించింది. ఇక్కడ మంచి స్టార్ డమ్ ను అనుభవించింది. అయితే ఇప్పుడు ఆమె బాలీవుడ్ లో వరుసగా వెబ్ సిరీస్ లు, సినిమాలు చేసుకుంటూ బిజీగా మారిపోయింది ఈ ముద్దుగుమ్మ. అయితే తాజాగా ఆమె ఓ ఇంటర్వ్యూలో పాల్గొంది.
ఇందులో సౌత్ ఇండస్ట్రీ గురించి అడగ్గా.. ఆమె స్పందిస్తూ.. సౌత్ ఇండస్ట్రీలో నీచమైన పురుషాధిక్యం ఎక్కువగా ఉంది. అక్కడ కేవలం హీరోలను బేస్ చేసుకుని మాత్రమే సినిమాలు చేస్తారు. అసలు హీరోయిన్లను పట్టించుకోరు. నాకు అది అస్సలు నచ్చదు. అందుకే చాలా కమర్షియల్ సినిమాల్లో నేను నటించబోనని చెప్పాను.
ఇంకొన్ని సినిమాల్లో నా పాత్రల పరిధిని తగ్గించమని మేకర్స్ ను కోరేదాన్ని. అలాంటి పురుషాధిక్యం ఉన్న సినిమాల్లో నా క్యారెక్టర్ తగ్గించుకుంటే మంచిదని డిసైడ్ అయ్యాను. రాను రాను అలాంటి సినిమాలు చేయడం మానేస్తున్నాను అంటూ సంచలన కామెంట్లు చేసింది. అయితే ఇన్ని రోజులు ఇక్కడ స్టార్ హీరోయిన్ గా తెగులు ఇండస్ట్రీ అవకాశాలు ఇస్తే ఇప్పుడు టాలీవుడ్ నే తిడుతావా అంటూ ఆమెపై ఫైర్ అవుతున్నారు నెటిజన్లు.