Tamannaah : తమన్నా భాటియా గురించి పరిచయం అవసరం లేదు. నార్త్ టు సౌత్ బాగానే బిజీగా ఉన్న నటి. హ్యాపీడేస్ తో ఆమె కెరీర్ మలుపు తిరిగింది. తెలుగు, తమిళంతో పాటు బాలీవుడ్ సినిమాల్లో్ కూడా నటిస్తూ మెప్పిస్తోంది.
ఆమె ఒక ఇంటర్వూలో మూవీల్లోని బెడ్ సీన్స్ గురించి ఓపెన్ గా మాట్లాడింది. ఆ సమయంలో నటీ నటుల ఫీలింగ్ గురించి ఆమె వివరించి మరీ చెప్పింది. ‘సాధారణంగా హీరో, హీరోయిన్లు బెడ్ సీన్స్ చేయడం ఇష్టపడరు. రొమాంటిక్ సన్ని వేశాలు చేస్తూ హీరోలు తెగ ఎంజాయ్ చేస్తుంటారని చాలా మంది అనుకుంటారు. కానీ అది తప్పు, రొమాంటిక్ సన్నివేశాల్లో చేయడానికి హీరోయిన్స్ కంటే హీరోలే ఎక్కువ ఇష్టపడరు.’
‘సెట్ లో అందరి ముందు రొమాంటిక్ సీన్ చేయడం కష్టం. మాకే కాదు హీరోలకు కూడా కష్టంగానే ఉంటుంది. సిగ్గు, మొహమాటం ఉన్న కొంతరు హీరోలు ఇలాంటి సీన్స్ చేసేప్పుడు కనీసం మాట్లాడేందుకు కూడా తెగ ఇబ్బంది పడతారు. చాలా మంది హీరోలు బెడ్ సీన్స్ కు ఆసక్తి చూపించరు’ అని తెలిపింది. తమన్నా చెప్పిన విషయాలు ప్రస్తుతం సోషల్ మీడియాలో వైరల్ అవుతున్నాయి.
కొన్నాళ్లుగా తమన్నా విజయ్‌ని ప్రేమిస్తున్న సంగతి తెలిసిందే. కానీ, ఆమె దీన్ని ఎప్పుడూ ఒప్పుకోలేదు. ఇటీవల తమన్నా ఈ విషయంలో ఓపెన్ అయ్యింది. అతను అంటే ఎంతో ఇష్టమని.. చెప్పింది. విజయ్ వర్మ తెలంగాణకు చెందిన వాడిగా తెలిసిందే.
ఇక, తమన్నా తర్వాతి ప్రాజెక్ట్ జమున బయోపిక్ అని టాలీవుడ్ సర్కిల్ లో ప్రచారం జరుగుతోంది. ఇందులో ఆమె జమున పాత్రలో కనిపిస్తుందని తెలుస్తోంది. దీని కోసం టీమ్ ఆమెను సంప్రదించారని సమాచారం. ఆమె కూడా ఒప్పుకున్నట్లు టాక్. ఈ చిత్రాన్ని ఓ బడా నిర్మాత స్టార్ డైరెక్టర్ రూపొదించనున్నారని తెలుస్తోంది.
