Raashi Khanna : సినిమా రంగం అంటేనే ఇప్పుడు గ్లామర్ ఫీల్డ్ అయిపోయింది. ఒకరిని మించి మరొకరు అందాలను రాబోస్తూ వస్తూనే అవకాశాలు పడుతున్నారు. ఒకప్పుడు అందం కంటే ఎక్కువగా ట్యాలెంట్ కు అవకాశం ఇచ్చేవారు. కానీ ఇప్పుడు మాత్రం అందాలతోనే అవకాశాలు వస్తున్నాయంటే అతిశయోక్తి కాదేమో. ఆ రేంజ్ లో అందాలకు డిమాండ్ ఏర్పుడుతోంది.
ఇలా అందంగా లేకపోతే మాత్రం బాడీ షేమింగ్ కు గురి కావాల్సి వస్తుందని గతంలో జరిగిన ఘటనలు చూస్తూనే అర్థం అవుతోంది. బాడీ షేమింగ్ బాధితులు చాలామందే ఉంటున్నారు. అయితే తాజాగా రాశిఖన్నా కూడా తనకు జరిగిన చేదు అనుభవాలను పంచుకుంది. ఆమె మాట్లాడుతూ.. ఒకప్పుడు నేను కూడా ఇలాంటి కామెంట్లు విన్నాను.
మోడలింగ్ చేస్తున్న సమయంలో నేను కాస్త లావుగా ఉండేదాన్ని. అప్పుడు నన్ను చూసిన కొందరు నీ థైస్ అంటే అంత పెద్దగా ఉన్నాయి అంటూ దారుణంగా కామెంట్లు చేశారు. కొందరు నా బ్యాక్ గురించి కూడా చెత్తగా నా ముందే మాట్లాడారు. అయినా సరే నేను అలాంటివి పెద్దగా పట్టించుకోలేదు. ఎందుకంటే మనకు ట్యాలెంట్ ఉంటే సరిపోతుందని నేను బలంగా నమ్ముతాను.
మన ట్యాలెంటే మనకు అవకాశాలు తీసుకురావడంలో బాగా సహాయం చేస్తుంది. నేను అలాంటిదే నమ్మాను. కాబట్టే ఈ రోజు ఈ స్థాయికి వచ్చానని అనుకుంటున్నాను. కాబట్టి ఇప్పుడు నాకు అలాంటి కామెంట్లు రావడం ఆగిపోయాయి. కాకపోతే అవకాశాలు అందుకోవడంలో కూడా అందం అనేది చాలా ఇంపార్టెంట్. అందుకే నేను అందాలకు బాగా ప్రాముఖ్యత ఇస్తాను అంటూ చెప్పింది ఈ బ్యూటీ.