Dil Raju : టాలీవుడ్ స్టార్ ప్రొడ్యూసర్, డిస్ట్రిబ్యూటర్ దిల్ రాజుకు బెదిరింపు కాల్స్ వస్తున్నాయట. రెండు తెలుగు రాష్ట్రాలకు సంబంధించి ఎక్కువ థియేటర్స్ దిల్ రాజు హ్యాండోవర్ లోనే ఉన్నాయి. ఈ నేపథ్యంలో తెలుగు ఇండస్ట్రీలో సినిమా రిలీజ్ లో ఆయన ప్రభావం ప్రముఖంగా ఉంటుంది. సంక్రాంతికి సంబంధించి నాలుగు సినిమాలు రిలీజ్ అవుతున్నాయి. అయితే వాటికి థియేటర్లను కేటాయించడంలో దిల్ రాజు పాత్ర అత్యంత కీలకం కానుంది.
మహేశ్ బాబు-త్రివిక్రమ్ శ్రీనివాస్ కాంబోలో వస్తున్న ‘గుంటూరు కారం’ను దిల్ రాజు తన బ్యానర్ పై రిలీజ్ చేస్తున్నారు. ఈ నేపథ్యంలో రెండు తెలుగు రాష్ట్రాల్లో ఎక్కువ థియేటర్లు ఈ సినిమాకే కేటాయించారు. అదే రోజు తేజ సజ్జ-ప్రశాంత్ వర్మ కాంబోలో వస్తున్న ‘హను-మాన్’ కూడా రిలీజ్ కాబోతోంది. అయితే దీనికి తక్కువ థియేటర్లు కేటాయించారు. మొదట్లో ఈ సినిమా రిలీజ్ పోస్ట్ పోన్ చేసుకోవాలని ప్రొడ్యూసర్ కౌన్సిల్ మేకర్స్ కు తెలిపింది. నార్త్ లో సినిమా రిలీజ్ కు ఎలాంటి ఇబ్బందులు లేవు.. ఇప్పటికే ఈ సినిమా రిలీజ్ డేట్ అనౌన్స్ కూడా జరిగిపోయింది. ఈ నేపథ్యంలో పోస్ట్ పోన్ అస్సలు కుదరదని మేకర్స్ కౌన్సిల్ ఎదుట మొర పెట్టుకున్నారు. ఈ నేపథ్యంలో రవితేజ ‘ఈగల్’ రిలీజ్ ను పోస్ట్ పోన్ చేయాల్సిన పరిస్థితి ఏర్పడింది. ఇవన్నీ పక్కన ఉంచితే..
హను-మాన్ కు తక్కువ థియేటర్లను కేటాయించడంపై ప్రేక్షకుల నుంచి విమర్శలు వస్తున్నాయి. ఈ విషయంలో వీహెచ్‌పీ, భజరంగ్ దళ్ కలుగజేసుకున్నాయని వార్తలు వినిపిస్తున్నాయి. హను-మాన్ లాంటి దేవుడి సినిమాకు తక్కువ థియేటర్స్ కేటాయించడంపై దిల్ రాజుకు బెదిరింపు కాల్స్ వస్తున్నాయట. ‘హను-మన్ కు ఎక్కువ థియేటర్స్ కేటాయించాలి, లేదంటే లీగల్ నోటీసులు పంపుతాం అంటూ అల్టిమేటం జారీ చేశారట. ఈ వార్త సోషల్ మీడియాలో వైరల్ అయ్యింది. ఇది నిజమా? లేదంటే రూమరా తెలియాలంటే దిల్ రాజు స్పందించాల్సిందే..
సూపర్ హీరో బ్యాక్ డ్రాప్ తో వస్తున్న హను-మాన్ ను ప్రశాంత్ వర్మ తేజసజ్జతో తెరకెక్కించారు. టీజర్, ట్రైలర్ తో సినిమాపై భారీ అంచనాలు పెరిగాయి. ఈ మూవీ జనవరి 12వ తేదీ రిలీజ్ అవుతుంది. అదే రోజు మహేశ్ గుంటూరు కారం కూడా రిలీజ్ అవుతుంది.
