Kalki 2898 AD : ప్రభాస్ హీరోగా సైన్స్ ఫిక్షన్ యాక్షన్ థ్రిల్లర్ నేప థ్యంలో టాలీవుడ్ లో రూపొందుతున్న ఫ్యూచరి స్టిక్ మూవీ ‘కల్కి 2898 AD’. వైజయంతి మూవీస్ బ్యానర్ లో అశ్వనీదత్ నిర్మిస్తున్న ఈ సినిమాని నాగ్ అశ్విన్ డైరెక్ట్ చేస్తున్నారు. మేలో రిలీజ్ కి సిద్దమవుతున్న ఈ మూవీ ప్రస్తుతం శరవేగంగా వర్క్స్ పూర్తి చేసుకుంటుంది.
కాగా ఈ మూవీ మొత్తం మూడు భాగాలుగా రాబోతుందని, ఫస్ట్ పార్ట్ షూటింగ్ ఆల్రెడీ కంప్లీట్ అయ్యిందని టాక్ వినిపిస్తుంది. ప్రస్తుతం సెకండ్ పార్ట్ కి సంబంధించిన షూటింగ్ జరుగుతుందట. ఇది ఇలా ఉంటే, ఈ మూవీకి సంబంధించిన ఓ వీడియో నెట్టింట లీక్ అయ్యింది. ఆ వీడియోలో కల్కి మూవీ సెట్స్ కి సంబంధించిన విజువల్స్ కనిపిస్తున్నాయి. ప్రస్తుతం ఆ వీడియోకి చెందిన స్క్రీన్ షాట్స్ నెట్టింట వైరల్ గా మారాయి.
