YCP leaders Fear : రాష్ట్రంలో రాజకీయాలు వేడెక్కాయి. టీడీపీ అధినేత చంద్రబాబు అరెస్ట్ తో ఇక కొత్త దారిలోకి వెళ్తున్నాయి. ఇక రానున్న రోజుల్లో ప్రతీకార చర్యలు తప్పవనే అభిప్రాయం అందరిలో వినిపిస్తున్నది. గతంలో జగన్ ను అరెస్ట్ చేయించడంలో చంద్రబాబు పాత్ర ఉందని భావించే, నేడు టీడీపీ అధినేత అరెస్ట్ కథ నడిచిందని అంతా భావిస్తున్నారు. ఈరోజుకు టీడీపీ పై పైచేయి సాధించామని సంబురాలు చేసుకుంటున్నా, వైసీపీ లీడర్లలో మాత్రం కొత్త వణుకు మొదలైంది.
ఇక భవిష్యత్ లో టీడీపీ ప్రభుత్వం వస్తే తమ ప్రభుత్వం ఏంటా అనే భావన మాత్రం ఏర్పడుతున్నది. గతంలో చూసీచూడనట్లు వదిలేసిన చంద్రబాబు ఈ సారి ఏ ఒక్కరినీ వదలరు. ఆయన వదిలినా యువనేత లోకేష్ ఒప్పుకోరు. కచ్చితంగా ప్రతీకార కేసులు, దాడులు ఉంటాయి. ఈ నాలుగేళ్లలో టీడీపీ నేతలను వేధించడమే పనిగా జగన్ పెట్టుకున్నారు. ఇక దారి తప్పి టీడీపీ అధికారంలోకి వస్తే తమ పరిస్థితి ఏంటా అనే భయం వారి మనస్సుల్లో వేధిస్తున్నది. స్వయంగా కొందరు నేతలు సన్నిహితులతో ఇదే మాట్లాడుతున్నట్లు సమాచారం. ఈ రోజు వారి వంతు కావచ్చు.. రేపు మనవంతు అనే అభిప్రాయం వినిపిస్తున్నారట.
గతంలో టీడీపీ అధికారంలో ఉండగా, కొందరు నేతలను తీవ్రస్థాయిలో వేధించింది. ఇప్పడు వారే చంద్రబాబు అరెస్ట్ ను పండుగ చేసుకుంటున్నారు,. అయితే చంద్రబాబు లాంటి వ్యక్తికి ఇది చాలా చిన్న విషయమని, ఇక ముందున్నది తమ పరిస్థితి ఏంటా అని మదనపడుతున్నారు. మంత్రులు, ఎమ్మెల్యేలు సహా అందరిలో ఇదే పరిస్థితి కనిపిస్తు్న్నది. ఈ సారి చంద్రబాబు ఏ ఒక్కరినీ వదలరని ఆయన గురించి తెలిసిన ప్రతి ఒక్కరూ చెబుతున్నారు. ఇక చంద్రబాబుదంతా గతం అని కొందరు మేక పోతు గాంభీర్యం చూపుతున్నా, భవిష్యత్ ఎలా ఉంటుందో తెలియదని, రెండు పొట్టెల్ల మధ్య పోరు తమకు ఇబ్బంది తెచ్చి పెట్టిందని వాపోతున్నారు. మరి రానున్న రోజుల్లో ఏం జరుగుతుందో వేచి చూద్దాం..!