America : భారతీయ విద్యార్థులు ఉన్నత చదవుల కోసం అమెరికా వెళ్తున్నారు. అక్కడ ఉన్నత చదువులు చదువుకుని అక్కడే ఉద్యోగాలు సంపాదించుకుని స్థిరపడాలని ప్రతి ఒక్కరు కలలు కంటుంటారు. అందుకోసం తగిన విధంగా చర్యలు తీసుకుంటారు. అమెరికా వెళ్లి బాగా చదువుకుని తమ తల్లిదండ్రుల కలలు తీర్చాలని భావిస్తుంటారు. ఇందులో భాగంగానే అక్కడ చదువుకుని తమ బతుకు తీరు మార్చుకోవాలని అనుకుంటారు.
అమెరికాలోని పలు ప్రాంతాల్లో మన ఇక్కడ నుంచి వెళ్లిన విద్యార్థులు సరైన పత్రాలు లేవనే ఉద్దేశంతో సుమారు 21 మందిని తిరిగి మన దేశానికి పంపించింది. దీంతో వారు డైలమాలో పడ్డారు. తమ చదువులు మధ్యలోనే వదిలేయాల్సి వచ్చింది. మన దేశానికి చెందిన విద్యార్థులను అమెరికా ఇమ్మిగ్రేషన్ అధికారులు వెనక్కి పంపించడం జరిగింది.
ఉన్నత విద్య కోసం వివిధ యూనివర్సిటీల్లో ఉన్నత చదువుల కోసం అమెరికా వెళ్లిన విద్యార్థులను అక్కడి ప్రభుత్వం వెనక్కి పంపించడంతో వారికి ఇబ్బందులు ఎదురవుతున్నాయి. సరైన పత్రాలు లేవనే కారణంతో అమెరికా ఇమ్మిగ్రేషన్ అధికారులు విద్యార్థులను తిరిగి పంపించడం గమనార్హం. విద్యార్థుల మెయిల్స్, సోషల్ మీడియా అకౌంట్లు చూసిన అధికారులు వారిని తిప్పి పంపించారు.
అట్లాంటా, శాన్ ఫ్రాన్సిస్కో, షికాగో నుంచి మొత్తం 21 మంది విద్యార్థులను ఎయిర్ ఇండియా విమానంలో ఇండియాకు తిప్పి పంపించడం జరిగింది. ఈ నేపథ్యంలో అమెరికా తీసుకున్న నిర్ణయం వారికి కష్టాలు తీసుకొచ్చింది. ఇక వారి చదువు ఎలా కొనసాగిస్తారు. ఎక్కడ చదువుకుంటారు. వారి విద్యాభ్యాసం ఎలా సాగుతుంది అంటూ వారి తల్లిదండ్రులు ఆవేదన చెందుతున్నారు.
