Kalki నాగ్ అశ్విన్ డైరెక్టర్ గా పాన్ ఇండియా స్టార్ ప్రభాస్ హీరోగా వస్తున్న చిత్రం ‘కల్కి 2898 ఏడీ’. ఇటు టాలీవుడ్ నుంచి అటు హాలీవుడ్ వరకు ఈ సినిమాపై ఇప్పుడు హాట్ టాపిక్ నెలకొంది. ఇటీవలే కల్కికి సంబంధించి గ్లింప్స్ రిలీజ్ కాగా హాలీవుడ్ డైరెక్టర్లు సైతం చూసి ప్రసంశించారు. ఇటీవల టీమ్ యూఎస్ లోని శాన్ డియాగోలో షూటింగ్ కోసం జూలై 20న అక్కడికి వెళ్లింది. అక్కడి నుంచే గ్లింప్స్, టైటిల్ ను రిలిజ్ చేసింది.
కల్కి 2898 ఏడీ వైజయంతి మూవీస్ బ్యానర్ పై అశ్వినీదత్ నిర్మిస్తున్నారు. ఇదులో భారీ తారాగణం నటిస్తున్నారు. బిగ్ బీ అమితాబ్ బచ్చన్, కమల్ హాసన్, దిశా పటాని నటిస్తుండగా ప్రభాస్ సరసన దీపికా పదుకోన్ చేస్తున్నారు. ఆమెకు సబంధించిన ఫస్ట్ లుక్ కూడా ఇటీవలే రిలీజ్ చేశారు. ఇందులో కమల్ హాసన్ విలన్ గా నటిస్తున్నట్లు సోషల్ మీడియాలో వార్తలు వినిపిస్తున్నాయి. అయితే గతంలో బిగ్ బీ ఈ ప్రాజెక్ట్ లోకి కమల్ హాసన్ ను ఆహ్వానంచే వరకు ఆయన ఉన్నాడన్న విషయం బయటకు లీక్ చేయలేదు.
ఈ సినిమా రిలీజ్ డేట్ అనౌన్స్ చేయగా అందులో మార్పు చేయనున్నట్లు తెలుస్తోంది. సంక్రాంతి కానుకగా 12 జనవరి, 2024లో రిలీజ్ చేస్తామని చెప్పారు. కానీ ఇప్పుడు వాయిదా వేస్తున్నట్లు తెలుస్తోంది. 9 మే, 2024న రిలీజ్ చేయాలని అనుకుంటున్నారట. ఆ తేదీకి వైజయంతి బ్యానర్ కు మంచి సింక్ ఉంది. ఆ రోజున ఈ బ్యానర్ లో రిలీజైన సినిమాలు టాలీవుడ్ చరిత్రలో చిరస్తాయిగా నిలిచిపోయాయి. జగదేక వీరుడు-అతిలోక సుందరి, మహానటి చిత్రాలు 2 కూడా మే 9 వ తేదీనే రిలజ్ అయ్యాయి. అదే డేట్ రిలీజ్ చేస్తే బాగుంటుందని అనుకుంటున్నారట. పైగా 2024, మే 9 గురువారం వస్తుంది. కాబట్టి వీకెండ్ కూడా కలిసి వస్తుందని, పైగా సమ్మర్ కూడా కావడంతో మంచి కలెక్షన్లు వస్తాయని భావిస్తున్నారు.
దీనికి తోడు ఈ సినిమాలో గ్రాఫిక్స్ కూడా పూర్తవ్వాలంటే కొంచెం టైమ్ పడుతుందని, అనుకున్న డేట్ వరకు కాకపోవచ్చని అనుమానం వ్యక్తం చేస్తున్నారట. ఆ తేదీ వరకు ప్రీ రిలీజ్ ఈవెంట్లు కూడా ఎక్కువ మొత్తంలో పెట్టి సినిమాకు మంచి హైప్ తీసుకురావచ్చని భావిస్తున్నారట. అయితే దీనిపై ఇప్పటికీ అధికారిక ప్రకటన రాలేదు.