Bhagwant Kesari : నటసింహం నందమూరి బాలకృష్ణ హీరోగా కాజల్ అగర్వాల్ హీరోయిన్ గా తెరకెక్కుతున్న లేటెస్ట్ మూవీపై అంచనాలు భారీగా ఉన్నాయి.. సక్సెస్ ఫుల్ డైరెక్టర్ అనిల్ రావిపూడి దర్శకత్వంలో ఈ సినిమా తెరకెక్కుతుంది. జూన్ 10న బాలకృష్ణ తన పుట్టిన రోజు జరుపుకో నున్నారు. ఈ సందర్భంగా బాలయ్య కొత్త సినిమా నుండి మాస్ ట్రీట్ ఉందని రెండు మూడు రోజులుగా మేకర్స్ చెబుతూనే ఉన్నారు.
మరి అన్నట్టుగానే మాస్ ట్రీట్ అయితే ఇచ్చేసారు.. అది కూడా రెండు రోజులు ముందుగానే బాలయ్య, అనిల్ కాంబోలో తెరకెక్కుతున్న 108వ సినిమాకు టైటిల్ ప్రకటించారు.. బాలయ్య బర్త్ డే కానుకగా తెలుగు రాష్ట్రాల్లో ఎప్పుడు ఎవరు ఇంత వరకు చేయని అదిరిపోయే ప్లానింగ్ తో టైటిల్ అనౌన్స్ మెంట్ చేసారు..
ఇది బాలయ్య 108వ సినిమా కావడంతో తెలుగు రాష్ట్రాల్లో 108 హోర్డింగ్స్ ను ఏర్పాటు చేసి ఈ సినిమాకు ”భగవంత్ కేసరి” అనే టైటిల్ ను రిలీజ్ చేసారు.. ఈ టైటిల్ గత కొన్ని రోజులుగా నెట్టింట వైరల్ అవుతూనే ఉంది. మరి మేకర్స్ కూడా ఇదే టైటిల్ ను అనౌన్స్ చేసారు.. టైటిల్ తో పాటు రిలీజ్ చేసిన మాస్ పోస్టర్ మరో లెవల్లో ఉంది.. అన్న దిగిండు.. ఇగ మాస్ ఊచకోత షురూ అంటూ మేకర్స్ పోస్టర్ రిలీజ్ చేసి మూవీపై అంచనాలు భారీగా పెంచేశారు..
ఎప్పటిలాగానే బాలయ్యను అనిల్ కూడా పవర్ఫుల్ గా చూపిస్తున్నట్టు కనిపిస్తుంది. షైన్ స్క్రీన్ సంస్థ నిర్మిస్తున్న ఈ సినిమాకు థమన్ సంగీతం అందిస్తుండగా బాలయ్య కూతురు పాత్రలో శ్రీలీల నటిస్తుంది.. ఈ ఏడాది దసరా కానుకగా ఈ సినిమాను రిలీజ్ చేయనున్నారు.
