NBK 109 Updates : నటసింహం నందమూరి బాలకృష్ణ బ్యాక్ టు బ్యాక్ హిట్స్ తర్వాత ఫుల్ ఫామ్ లోకి వచ్చాడు.. వరుసగా హిట్స్ అందుకుంటూ సీనియర్ హీరోల్లోనే టాప్ లో రాణిస్తున్న బాలయ్య ఈ మధ్యనే మరో సినిమాతో ప్రేక్షకుల ముందుకు వచ్చి మరో హిట్ అందుకున్నాడు..
హ్యాట్రిక్ హిట్ అందుకుని మరింత టాప్ లోకి రావాలని పట్టుదలతో సినిమా చేయగా ఎట్టకేలకు మరో హిట్ అందుకోవడంతో ఫ్యాన్స్ ఫుల్ ఖుషీగా ఉన్నారు..
అనుకున్న విధంగానే బాలయ్య హ్యాట్రిక్ హిట్ ను అందుకున్నాడు.. అఖండ, వీరసింహారెడ్డి తర్వాత ఇప్పుడు భగవంత్ కేసరి సినిమాతో హిట్ అందుకుని సంతోషంగా ఉన్నాడు. సక్సెస్ ఫుల్ డైరెక్టర్ అనిల్ రావిపూడి దర్శకత్వంలో బాలకృష్ణ చేసిన ఈ సినిమాను దసరా కానుకగా అక్టోబర్ 19న గ్రాండ్ గా వరల్డ్ వైడ్ గా రిలీజ్ అయ్యింది.
భగవంత్ కేసరి మంచి టాక్ రావడంతో బాలయ్య కలెక్షన్స్ తో సునామీ సృష్టించాడు. ఇక ఈ సినిమా ఇచ్చిన జోష్ తో ఇప్పుడు మరింత వేగంగా నెక్స్ట్ సినిమాను స్టార్ట్ చేసాడు.
బాలయ్య తన నెక్స్ట్ సినిమాను యంగ్ డైరెక్టర్ బాబీ దర్శకత్వంలో చేస్తున్న విషయం విదితమే.. ఈ సినిమా ఎప్పుడో అఫిషియల్ గా ప్రకటించారు.. ఇక ఈ రోజు ఈ సినిమా నుండి అదిరిపోయే మాస్ అండ్ పవర్ ఫుల్ పోస్టర్ రిలీజ్ చేసారు..
ఈ పోస్టర్ లో గొడ్డలి, లాకెట్, రేబాన్ కళ్ళజోడుతో పాటు యాక్షన్ విజువల్స్ ను కూడా చూపించారు.. అసురులపై నరసింహ స్వామి ఉగ్రరూపం ఇందులో చూపించి ఈ సినిమా ఏ రేంజ్ లో యాక్షన్ సీక్వెన్స్ ఉంటాయో చెప్పకనే చెప్పారు.. సితార ఎంటర్టైన్మెంట్స్, ఫార్చ్యూన్ సంస్థ సంయుక్తంగా నిర్మిస్తున్న ఈ సినిమా ఈ రోజు నుండి షూట్ స్టార్ట్ కానుంది..