Balaiah-Bobby : బాలకృష్ణ తన తదుపరి సినిమాను ప్రకటించారు. ఇప్పటికే భగవంత్ కేసరిలో నటిస్తున్న బాలయ్య తరువాత సినిమా సితార ప్రొడక్షన్స్ పై బాబీ దర్శకత్వంలో చేయబోతున్నారు. దీనికి సంబంధించిన అధికారిక ప్రకటన కూడా వెలువడింది. దీంతో బాలయ్య సినిమాల ఎంపికలో దూకుడుగా ఉన్నారు. ఒక్కొక్కరు మూడు నాలుగు సినిమాలతో దూసుకుపోతుండటంతో బాలయ్య కూడా స్పీడ్ పెంచారు.
ఓ పెద్ద బాక్స్ తెరుచుకుని అందులో నుంచి బాలయ్య బ్రాండ్ మాన్షన్ హౌస్ ఫుల్ బాటిల్, దాని పక్కనే సిగరెట్ ప్యాకెట్, డబ్బు, మారణాయుధాలు కనిపిస్తాయి. ఇది తన రాబోయే సినిమాలో ఉన్న దృశ్యాలు. బాలకృష్ణ 109వ సినిమా కోసం ఇలా పరిచయం చేస్తున్నారు. ప్రపంచానికి ఆయన తెలుసు. కానీ ఆయన ప్రపంచం ఎవరికి తెలియదు అనే డైలాగ్ తో అదరగొడుతున్నారు.
ఫార్చ్యూన్ ఫోర్ సంస్థ ఈ సినిమాకు సహ నిర్మాతగా ఉంటోంది. ఇందులో సంగీతం ఎవరనే దానిపై మాత్రం సస్పెన్స్ ఉంది. దేవీశ్రీ ప్రసాదా? లేక థమనా తెలియడం లేదు. దర్శకుడు బాబీకి ఇద్దరితో పనిచేసిన అనుబంధం ఉంది. బాలయ్య ఎవరి పేరు సూచిస్తే వారే ఫైనల్ కావడం సహజమే. ఈ నేపథ్యంలో మ్యూజిక్ డైరెక్టర్ ఎవరనేదానిపై మాత్రం సస్పెన్స్ కొనసాగుతోంది.
బాలయ్య సినిమాల్లో మాస్ అంశాలు ఎక్కువగా ఉంటాయి. మాస్ కు దగ్గరగా ఉండే సినిమాలే చేస్తుంటాడు. అందుకే అభిమానుల గుండెల్లో ఇంత కాలం ఉంటున్నాడు. ఈ క్రమంలో ఈ సినిమా కథ గురించి ఇప్పుడే ఏమి తెలియదు. కానీ పక్కా మాస్ ఎంటర్ టైన్ మెంట్ అని మాత్రం తెలుస్తోంది. కథ గురించి తెలియాలంటే ఇంకా కొన్నాళ్లు ఆగాల్సిందే.