Anchor Anasuya : పాత సంవత్సరం పోయి కొత్త సంవత్సరం (ఇంగ్లిష్ క్యాలెండర్ ప్రకారం) వచ్చింది. 2023లో కొన్ని జ్ఞాపకాలు, మరికొన్ని చేదు గుర్తులు, ఎన్నో కొన్ని మధుర స్మృతులను నెమరువేసుకుంటున్నారు. యాంకర్ అనసూయ కూడా వీటిని గుర్తు చేసుకుంటుంది. గుర్తు చేసుకోవడంతో పాటు బూతు పురారం కూడా మొదలు పెట్టింది. ఇన్ స్టా, ట్విటర్ (ఎక్స్) లో ఒక వీడియో పోస్ట్ చేసింది అనసూయ. అందులో ఆమె మాట్లాడిన తీరు బాగా వైరల్ అయ్యింది. మరో వివాదంలో చిక్కుకుందా ఈ స్టార్ యాంకర్ అని అందరూ కామెంట్లు చేస్తున్నారు.
యాంకర్ గా బిజీగా ఉన్న సమయంలోనే వెండితెరపై అడుగు పెట్టింది అనసూయ భరద్వాజ్. జబర్దస్త్ కొనసాగుతున్న సమయంలో ఒక్క అనసూయ కోసమే చాల మంది ఆ షో చూసేవారు అనడంలో ఎలాంటి సందేహం లేదు. అంతలా పాపులర్ అయ్యింది ఈ సొగసరి. ఆమె అందం అలాంటిది మరి. పొడుగ్గా, అందంగా, మంచి భాష, యాసతో, హావ భావాలు పలికించే కళ్లతో షో మొత్తం ఆమె చుట్టూనే తిరిగేదనడంలో అనుమానం లేదు.
ఇక సినిమాల్లోకి వెళ్లిన తర్వాత ఆమె చుట్టూనే వివాదాలు వైఫై లాగా తిరిగాయి. తనపని తాను చేసుకుపోకుండా సమాజం అని అక్కర్లేని విషయాలను నెత్తికెత్తుకొని వివాదాల్లో చిక్కుకుంది. దీంతో ఆమె తీవ్రంగా ట్రోలింగ్ కు గురైంది. ట్రోలింగ్ జరిగినా కొద్దీ మరింత రెట్టింపు కామెంట్లు చేసేది. జబర్దస్త్ సమయంలో ఆమె దుస్తులపై జరుగుతున్న ట్రోలింగ్ ను అడ్డుకుంది. ఆ తర్వాత విజయ్ దేవరకొండ విషయంలో కలుగజేసుకొని వివాదాలకు కారణమైంది. విజయ్ ఫ్యాన్స్ తో గొడవలు పెట్టుకుంది. ఇక తనను కావాలనే ట్రోలింగ్ చేయిస్తున్నాడంటూ ఆరోపించింది. ఆ తర్వాత ఒక వ్యక్తిని అరెస్ట్ కూడా చేయించింది.
ఇక కొత్త సంవత్సరం ప్రారంభంలో మరో వీడియోతో రెచ్చిపోయింది. అయితే ఇందులో ఆమె కేవలం యాక్టింగ్ మాత్రమే చేసింది. అసలు ఆ వీడియో వెనుకున్న మాటలు ఆమెవి కావు. ఒక యువతి తనను ఇబ్బంది పెడుతూ కామెంట్లు వస్తున్న నేపథ్యంలో వారిని కొప్పడుతూ మాట్లాడింది. ‘ 2023 నా మాటలు, బిహేవియర్ వలన ఎవరైనా బాధపడి ఉంటే.. మీకు మంచిగా అయ్యింది.. 2024లో కూడా ఇలానే ఉంటా. నా జోలికి వస్తే దూల తీర్చి.. దూపం వేస్తా.. అంటూ వీడియో చేసింది. ఇది బాగా వైరల్ గా మారింది.
ఇవన్నీ పక్కన పెడితే.. 2023 అనసూయకు బాగానే కలిసి వచ్చింది. చాలా సినిమాల్లో ఆమె పాత్ర విమర్శకుల ప్రశంసలు పొందింది. మైఖేల్, రంగమార్తాండ, పెదకాపు, విమానం, ప్రేమ విమానంలో నటించింది. వచ్చే ఏడాది పుష్ప2లో లేడీ విలన్ గా నటించనుంది.
View this post on Instagram