weddings : కొత్త ఒక వింత.. పాత ఒక రోత అంటారు. డబ్బులు ఉండి.. ఎంజాయ్ చేయడానికి సమయం ఉంటే చాలు విదేశీయులు ఎక్కడికైనా వాలిపోతుంటారు. ముఖ్యంగా మన భారతీయ వివాహాలు ఘనంగా జరుగుతుంటాయి. ఆడంబరాలు ఎక్కువ. విందు, వినోదాలు, డ్యాన్సులు, ఆటలు, పాటలుగా సాగుతుంటాయి. అందుకే ఇప్పుడు మన పెళ్లిళ్లపై ప్రపంచవ్యాప్తంగా చూపు పడింది. అందుకే భారతీయ వివాహాలకు తాము గెస్టులుగా వస్తామంటూ చాలా మంది డబ్బులిచ్చి మరీ వివాహంలో పాల్గొంటామని సోషల్ మీడియాలో పిలుపునిస్తుంటారు.
దీంతో ఆదాయానికి ఆదాయం.. చుట్టాలు, పక్కలతో సందడి అని తెలిసి చాలా మంది ఇలా పెళ్లిళ్లకు ఇష్టపడే విదేశీయులను తమ పెళ్లిళ్లకు గెస్టులుగా పిలుస్తున్నారు. ఇలా పిలిచే భారతీయులకు ఒక్కొక్క విదేశీయుడు ఏకంగా రూ. 30వేలు ఇచ్చి మరీ హాజరవుతున్నారు.
మనిషికి 30వేలు కట్టి మరీ మన పెళ్లిళ్లకు హాజరవుతున్నారు. చాలా మంది విదేశీయులకు ఇండియన్ కల్చర్ అన్నా.. పెళ్లిళ్లు అన్నా చాలా ఇష్టం. వాళ్లు ఇండియాకు వచ్చినప్పుడల్లా ఎక్కడైతే పెళ్లి జరుగుతుందో అక్కడికి డబ్బులు కట్టి మరీ వెళుతున్నారన్న మాట..
‘Joinmywdding’ అనే వెబ్ సైట్ ద్వారా నీ పెళ్లి ఎప్పుడు ? ఎక్కడ అన్నది సమాచారం పెడితే ఆ సమయంలో ఇండియాలో ఉండే విదేశీయులు అక్కడే 30వేలు డబ్బులు కట్టి మరీ ఈ పెళ్లికి హాజరవుతారు.
ఇలా పెళ్లి చేసుకుంటూ కూడా రూ.5 లక్షల వరకూ సంపాదించుకోవచ్చు. విదేశీయులను ఆహ్వానించి క్యాష్ చేసుకోవచ్చన్న మాట..