Karimnagar MLA Candidates : కల్లోల జిల్లా కరీంనగర్. రాజకీయ చైతన్యం కలిగిన ప్రాంతం కావడంతో ఇక్కడ గెలిచిన వారు మంత్రులుగా పనిచేశారు. ఎన్నో ప్రాధాన్యతలు కలిగిన వారు ఇక్కడ గెలిచి ఎన్నో పదవులు దక్కించుకున్నారు. కరీంనగర్ నియోజకవర్గం 1952లో ఏర్పడింది. ఇప్పటి వరకు 15 సార్లు ఎన్నికలు జరిగాయి. ప్రస్తుతం జరిగేది 16వ ఎన్నిక అని తెలుస్తోంది. దీంతో కరీంనగర్ నియోజకవర్గం భిన్నమైన ప్రాంతంగా గుర్తింపు పొందింది.
అప్పటి నుంచి ఇప్పటి వరకు కాంగ్రెస్ ఐదుసార్లు, టీడీపీ నాలుగు సార్లు, సోషలిస్ట్ పార్టీ ఒకసారి గెలిచాయి. జువ్వాడి చంద్రశేఖర్ రావు ఎన్సీఐ స్వతంత్రులుగా గెలిచారు. బీఆర్ఎస్ రెండుసార్లు విజయం సాధించింది. చొక్కారావు, ఎం సత్యనారాయణ రావు, సి. ఆనందరావు లాంటి మహామహులు గెలిచి తమ సత్తా చాటారు. మంత్రులుగా బాధ్యతలు చేపట్టారు.
ప్రస్తుతం బీఆర్ఎస్ పార్టీ నుంచి గంగుల కమలాకర్ కూడా మంత్రిగా పనిచేస్తున్నారు. పౌరసరఫరాల శాఖ మంత్రిగా బాధ్యతలు నిర్వహిస్తున్నారు. ఇలా ఇక్కడ నుంచి గెలిచిన వారు రాష్ట్ర రాజకీయాల్లో తమ ప్రభావం చూపించడం గమనార్హం. ఈ నేపథ్యంలో కరీంనగర్ నియోజకవర్గం అంటే అందరికి సుపరిచతంగా మారింది. చైతన్యానికి గుర్తుగా నిలవడం ఇక్కడి వారి ప్రత్యేకత.
కరీంనగర్ నియోజకవర్గం నుంచి గెలిచిన వారు పలు మంత్రి పదవులు దక్కించుకోవడం విశేషం. దీంతో కరీంనగర్ నియోజకవర్గం నుంచి ఉద్ధండులే గెలిచారు. రాష్ట్ర రాజకీయాల్లో కీలకంగా వ్యవహరించారు. ఇక్కడ నుంచి విజయం సాధించిన సత్యనారాయణ రావు గురించి అందరికి తెలిసిందే. ఆయన తన మాటలతో అందరిని ఇబ్బందులకు గురిచేసేవారు. అలాంటి వారిని ఎన్నుకున్న కరీంనగర్ ఎప్పటికి ఎవర్ గ్రీనే.