KCR React Kavitha Arrest : కవిత అరెస్టుపై తొలిసారి కెసిఆర్ స్పందించారు. ప్రధాని మోడీపై విరుచుకుపడ్డారు. ‘ఢిల్లీ లిక్కర్ కేసు అంతా ఉత్తిదే.. ఎమ్మెల్యేల కొనుగోలు కేసులో బిఎల్ సంతోష్ ను అరెస్టు చేయడానికి మనం పోలీసులను పంపించాం. అప్పటి నుంచి మోడీ మనపై కక్ష కట్టారు. అందుకే కవితను అరెస్టు చేయించి జైలుకు పంపారు, మోడీ దుర్మార్గుడు’ అని కెసిఆర్ ఘాటుగా స్పందించారు.
బీఆర్ఎస్ పార్టీ ఎమ్మెల్సీ కవితను లిక్కర్ కుంభకోణంలో ఈడీ అరెస్టు చేసిన విషయం తెలిసిందే. ఈ కేసులో కవిత తీహార్ జైలులో ఉన్నారు. మరోవైపు సీబీఐ కూడా ఆమెపై దృష్టి సారించింది. అయితే ఈ కేసుపై కవిత తండ్రి, బీఆర్ఎస్ అధినేత కెసీఆర్ ఇప్పటి వరకు స్పందించలేదు. ఎన్నికల వేళ ఆయన బీఆర్ఎస్ కార్యవర్గ సమావేశంలో సంచలన వ్యాఖ్యలు చేయడం రాజకీయ వర్గాల్లో చర్చనీయాంశంగా మారింది.