Tamil Nadu : ఈ వేసవిలో ఎండలు ఏ విధంగా మండుతున్నాయో చెప్పేందుకు ఈ వీడియో నిదర్శనం. సూర్యుడి వేడికి రోడ్డు పెనంలా సలసల మాడిపోతుండగా తమిళనాడులోని ఈరోడ్ లో స్థానికులు సిమెంట్ రోడ్డుపై ఆమ్లెట్ వేశారు. ఎలాంటి పెనం లేకుండానే రోడ్డుపై గుడ్డును పగులగొట్టగా వేడికి ఆమ్లెట్ గా మారింది. దీనికి సంబంధించిన వీడియో నెట్టింట వైరలవుతోంది.
అయితే ఇరవై రోజుల క్రితం మహబూబాబాద్ జిల్లా బయ్యారం మండలం కొత్తపేటలో కొందరు యువకులు రోడ్లపై కోడిగుడ్లను పగులగొట్టి ఆమ్లెట్ వేశారు. దీనికి సంబంధించిన వీడియోలు కూడా సోషల్ మీడియాలో వైరలయ్యాయి.
