![Vijay Devarakonda - Rashmika](https://jaiswaraajya.tv/wp-content/uploads/2024/07/Vijay_Rashmika_1645510510832_1645510524376.webp)
Vijay Devarakonda – Rashmika : సక్సెస్, ఫెయిల్యూర్స్ తో సంబంధం లేకుండా రౌడీబాయ్ విజయ్ దేవరకొండ సినిమాలు చేస్తూ దూసుకుపోతున్నాడు. రీసెంట్ గా ‘కల్కి’లో కనిపించాడు. ఉన్నది నిమిషాల్లోనే అయినా ప్రభావవంతమైన పాత్రలోనే కనిపించాడు. అయితే గీత గోవిందం నుంచి విజయ్, రష్మిక మధ్య ఏదో సంథింగ్ సంథింగ్ ఉందని అంతా అనుకుంటున్నారు. ఈ మధ్య విజయ్ తమ్ముడు ఆనంద్ మూవీ గం గం గణేశా మూవీ ప్రీ ఈవెంట్ కు వచ్చి మనం మనం ఒకటని అంటూ క్లూ కూడా ఇచ్చింది.
ఇవన్నీ పక్కన పెడితే విజయ్, రష్మిక మరోసారి కలిసి నటించేందుకు సిద్ధం అవుతున్నారు. వీరి కోసం టాలీవుడ్ డైరెక్టర్ రాహుల్ ఒక కథ కూడా సిద్ధం చేశారట. వీరి కాంబోను తెరపైనే చూసేందుకు ఫ్యాన్స్ ఈగర్ గా వెయిట్ చేస్తున్నారు. విజయ్, రష్మిక తొలిసారి జంటగా నటించిన చిత్రం ‘గీత గోవిందం’. ఆ మూవీతో ఇద్దరూ బాగా ఫేమ్ అయ్యారు. ఆ సినిమా రష్మికకు టాలీవుడ్లో మంచి గుర్తింపు తెచ్చిపెట్టింది. ఆ మూవీ తర్వాత రష్మిక, విజయ్ జంటగా కనిపించిన మరో చిత్రం ‘డియర్ కామ్రేడ్’.
అన్నీ అనుకున్నట్లే జరిగితే విజయ్ ‘ఫ్యామిలీ స్టార్’తోనే రష్మిక హీరోయిన్గా రావాలి. కానీ పుష్ప తో బిజీగా ఉండడంతో మృణాల్ ఠాకూర్కి వచ్చింది. ‘టాక్సీవాలా’ ఫేమ్ రాహుల్ కొత్త స్క్రిప్ట్ సిద్ధం చేసుకున్నాడు. ఇందులో వీరిద్దరిని తీసుకోవాలని అనుకుంటున్నాడు.
రాహుల్ సినిమా రాయలసీమ బ్యాక్ డ్రాప్ లో స్టోరీ ఉంటుంది. ఇందులో రష్మిక రాయలసీమకు సంబంధించిన అమ్మాయిగా కనిపిస్తుంది. రష్మిక మందన్న ఇప్పటికే ‘పుష్ప’లో అలాంటి పాత్ర చేసింది. అందుకే రాహుల్ డైరెక్షన్ లో వస్తున్న సినిమాలో రష్మిక అయితే బాగుంటుందని టీమ్ భావిస్తోంది. విజయ్ దేవరకొండ ఉన్నాడని రష్మిక ఒప్పుకుంటుందనే నమ్మకంతో రాహుల్ ఉన్నట్లు తెలుస్తోంది.
అయితే ఈ ప్రాజెక్ట్ గురించి విజయ్ కానీ, రష్మిక కానీ ఎలాంటి అప్ డేట్స్ ఇవ్వలేదు. రష్మిక ‘పుష్ప 2’తో బిజీగా ఉంది. ‘కుబేర’, ‘సికిందర్’, ‘ది గర్ల్ఫ్రెండ్’ వంటి భారీ ప్రాజెక్టుల్లో నటిస్తుంది. ఈ ప్రాజెక్టులపై ఆమెతో పాటు ఫ్యాన్స్ కు కూడా బాగానే హోప్స్ ఉన్నాయి.