Oscar Winner : ఆర్ఆర్ఆర్ తర్వాత యంగ్ టైగర్ ఎన్టీఆర్ కంటే రామ్ చరణ్ కు అవకాశాలు వెల్లువలా వచ్చాయి. ఆయన కూడా మరింత వేగంగా సినిమాలు చేస్తున్నాడు. తమిళ దర్శకుడు శంకర్ తో కలిసి ‘గేమ్ చేంజర్’ చేస్తున్నాడు. ఇది తుది దశకు చేరుకుంది. దీని తర్వాత ఉప్పెన ఫేమ్ బుచ్చిబాబుతో కలిసి సినిమా చేయబోతున్నాడు. దాని వర్కింగ్ టైటిల్ #RC 16గా నిర్ణయించారు. ఇప్పటికే ఈ విషయం అనౌన్స్ కూడా జరిగింది. మైత్రీ మూవీస్ ఈ మూవీని నిర్మిస్తోంది. సుకుమార్ రైటింగ్స్, వృద్ధి సినిమాస్ మైత్రితో కలిసి పని చేస్తున్నాయి.
ఈ సినిమాకు ఆస్కార్ విన్నర్ రహెమాన్ స్వరాలు స‌మ‌కూరుస్తున్నార‌ని గతంలో ప్రచారం జరిగింది. దీనికి సంబంధించి బుచ్చిబాబు రహెమాన్ తో మాట్లాడాడని టాక్ వైరల్ అయ్యింది. అయితే చాలా బిజీగా ఉండే రహెమాన్ ఈ సినిమాకు పని చేస్తాడా? అన్న సందేహం చాలా మందిలో కలిగింది. అయితే దీనిపై స్వయంగా రహెమాన్ క్లారిటీ ఇచ్చాడు. రహెమాన్ పుట్టిన రోజు సందర్భంగా మూవీ యూనిట్ #RC 16 రహెమాన్ ను స్వాగతిస్తూ అధికారికంగా ప్రకటన విడుల చేసింది. ఈ మూవీ కోసం రహెమాన్ 2 ట్యూన్లు కూడా సిద్ధం చేసిన‌ట్టు తెలుస్తోంది.
సుకుమార్ రైటింగ్స్ అన‌గానే ఫస్ట్ గుర్తుకు వచ్చే మ్యూజిక్ డైరెక్టర్ దేవిశ్రీ ప్రసాద్. ‘ఉప్పెన’ సక్సెస్ అయ్యేందుకు దేవి సంగీతం ఒక ప్రధాన కారణం. రామ్ చరణ్ – దేవిది సూప‌ర్ హిట్ మ్యూజిక్ కాంబోనే. కానీ ఈసారి బుచ్చిబాబు చొరవతో రహెమాన్ వైపు మొగ్గింది. ఇదొక స్పోర్ట్స్ డ్రామా నేప‌థ్యం కావడంతో బుచ్చిబాబు రహెమాన్ కోసం ఆరాటపడుతున్నట్లు తెలుస్తుంది. అసలు ఈ కథ ఎన్టీఆర్ కోసం సిద్ధం చేసింది. కానీ రామ్ చరణ్ కు అవకాశం దక్కింది. ఈనెల‌లోనే షూటింగ్ ప్రారంభించే అవకాశాలు ఉన్నాయి.
