Renu Desai Second Marriage : పవర్ స్టార్ పవన్ కల్యాణ్ మాజీ భార్య ఏ కామెంట్లు చేసినా సరే అది ఇటు సినిమాల్లో అటు రాజకీయాల్లో హాట్ టాపిక్ అవుతూనే ఉంటుంది. ఇక ఎప్పటికప్పుడు పవన్ కల్యాణ్ మీద ఆమె చేసే కామెంట్లు ఎంతలా వివాదాలను రాజేస్తుంటాయో మనం చూస్తూనే ఉన్నాం. తాజాగా ఆమె చాలా కాలం తర్వాత ఓ సినిమాలో నటించింది. రవితేజ హీరోగా వస్తున్న టైగర్ నాగేశ్వర్ రావు సినిమాలో ఆమె కీలక పాత్ర చేసింది.
హేమలత లావణం పాత్రలో చక్కగా ఒదిగిపోయింది. ఈ క్రమంలోనే ఆమె తాజాగా ఓ ఇంటర్వ్యూలో పాల్గొంది. ఇందులో ఆమెకు విలేకరుల నుంచి ఓ ప్రశ్న వచ్చింది. పవన్ కల్యాణ్ సీఎం కావాలని మీరు కోరుకుంటున్నారా అని అడిగారు. దానికి ఆమె మాట్లాడుతూ.. నేను అయితే ఆయన సీఎం కావాలనో, కావొద్దనో ఎప్పుడూ కోరుకోను. ఒక పొలిటీషియన్ గా ఆయన ఈ సమాజానికి అవసరం.
అది మాత్రమే నేను ఎప్పుడూ చెప్తాను. గతంలో నేను విడాకుల సమయంలో కూడా నిజాలే చెప్పాను. నాకు ఆయన నుంచి ఎలాంటి సపోర్ట్ లేదు. నాకు ఎలాంటి భరణం కూడా ఇవ్వలేదు. సింగిల్ మదర్ గా ఉండటం చాలా కష్టంగా ఉంటుంది. అందుకే త్వరలోనే రెండో పెళ్లి చేసుకుంటాను.
అందులో ఎలాంటి అనుమానాలు అవసరం లేదు. కాకపోతే నేను నా కూతురు ఆధ్య గురించి మాత్రమే ఆలోచిస్తున్నాను. త్వరలోనే రెండో పెళ్లి కచ్చితంగా చేసుకుంటాను. నా పిల్లలకు మంచి భవిష్యత్ ఇస్తాను. కాకపోతే ఇప్పుడు నాకు ఆరోగ్యం పెద్దగా సహకరించట్లేదు. అందుకే రెండో పెళ్లికి కాస్త సమయం తీసుకుంటున్నాను అంటూ తెలిపింది రేణూ దేశాయ్.