TANA E-Voting : ఉత్తర అమెరికా తెలుగు సంఘం (తానా) 46 ఏళ్ల చరిత్రలో 2023 ఎన్నికలు ప్రత్యేక గుర్తింపును సంపాదించుకున్నాయి. ఎగ్జిక్యూటివ్ కమిటీ కార్యవర్గానికి బోర్డ్ డైరెక్టర్, ఫౌండేషన్ ట్రస్టీ, రీజినల్ రిప్రజెంటేటివ్ పదవులకు నోటిఫికేషన్ జారీ చేశారు. అయితే 37000 పై చిలుకు శాశ్వత సభ్యులున్న ‘తానా’లో ఓటింగ్ ఈ-ఓటింగ్ పద్ధతిలో జరుగుతుంది. ఇందులో భాగంగా ఫోన్ నెంబర్, ఐఎంఈఐ నెంబర్ల ద్వారా ఒకటి కన్నా ఎక్కువ ఓట్లు వేస్తే రద్దు చసేలా కనిపిస్తుంది.
ఓటింగ్ మాత్రం గుంభనంగా సాగుతోంది. దీంతో ఎవరికి వారే తమదంటే.. తమదే.. గెలుపు అంటూ ధీమాతో ఉన్నారు. జనవరి 17 వరకు ఈ-ఓటింగ్ ద్వారా ‘తానా’ జీవితకాల సభ్యులు వారికి నచ్చిన ఎగ్జిక్యూటివ్ కమిటీలోని సభ్యులకు ఓట్లు వేయవచ్చు. జనవరి 19న ఫలితాలు విడుదల చేస్తారు. ఈ సారి అభ్యర్థుల అంచనాలు తారు మారయ్యేలా కనిపిస్తుంది. గతం నుంచి ఏక గ్రీవంగా గెలుస్తానని అనుకున్న వారు సైతం ఇప్పుడు కంగారు పడాల్సిన పరిస్థితి ఏర్పడింది.
ఈ సారి ప్రచారానికి సోషల్ మీడియాను ఎక్కువగా యూజ్ చేస్తున్నారు సభ్యులు. రోబో ఫోన్ కాల్స్, యూట్యూబ్ యాడ్స్, టీవీల్లో ఇంటర్వ్యూలు ఇస్తున్నారు. ఈ-ఓటింగ్ ద్వారా ప్రవాసుల్లో తానా పట్ల సానుకూల ధోరణి పెరిగిందని అనుకోవచ్చు. అమెరికాలోని తము ఉంటున్న పక్క వీధి, పక్క నగరం, పక్క రాష్ట్రాల్లోని మిత్రుల ఓట్లు ఎవరికి పాడుతున్నాయో ఎవరికీ తెలియడం లేదు. ఇంతటి పకడ్బందీగా ఓటింగ్ సాగడంపై ప్రతీ ఒక్కరూ ప్రవాసులకు జేజేలు కొడుతున్నారు.