BJP Madhavi Latha : హైదరాబాద్ బరిలో ఉన్న బీజేపీ అభ్యర్థి మాధవీలతకు రూ. 218.38 కోట్ల ఆస్తులు ఉన్నట్లు ఎన్నికల అఫిడవిట్ లో ఆమె ప్రకటించారు. అందులో రూ. 165.46 కోట్ల చరాస్తలు, రూ. 55.92 కోట్ల స్థిరాస్తులు ఉన్నాయని పేర్కొన్నారు. తనకు రూ. 27 కోట్ల అప్పులు ఉన్నట్లు ఆమె అఫిడవిట్ లో తెలిపారు. ఆమె పేరిట విరించి లిమిటెడ్, వివో బయోటెక్ లలో రూ. 8.92 కోట్ల విలువైన షేర్లు ఉన్నాయి. సొంతంగా ఎలాంటి భూములు, వాహనాలు లేవని, ఆమెపై ఒక క్రిమినల్ కేసు ఉందని ఎన్నికల అఫిడవిట్ లో వెల్లడించారు. ఇంకా తనకు బంగారం 3.9 కిలోలు, తన భర్తకు 1.11 కిలోల బంగారు ఆభరణాలు ఉన్నట్లు వివరించారు.
హైదరాబాద్ లోక్ సభ స్థానానికి మాధవీలత బుధవారం నామినేషన్ దాఖలు చేశారు. ఆమె దాఖలు చేసిన ఎన్నికల అఫిడవిట్ లో ఈ వివరాలు వెల్లడించారు. ఇంకా తాను పొలిటికల్ సైన్స్ లో మాస్టర్స్ డిగ్రీ చేసినట్లు పేర్కొన్నారు.