What kind of girls to marry : మన జీవితంలో ఎదుర్కొనే సమస్యలకు పరిష్కారాలు వెతుక్కుంటాం. వాటిని తీర్చుకునే క్రమంలో ఆచార్య చాణక్యుడు సూచించిన మార్గాలు ఎన్నో ఉన్నాయి. చాణక్య నీతి శాస్త్రంలో చాలా విషయాలు సూచించాడు. పెళ్లి చేసుకునేటప్పుడు తీసుకోవాల్సిన జాగ్రత్తల గురించి వివరించాడు. సరైన వ్యక్తిని పెళ్లి చేసుకోకపోతే సమస్యలు వస్తాయి. విడాకులు తీసుకునే వరకు వెళ్తుంది.
కాపురం చేసే కళ కాలు తొక్కే నాడే తెలుస్తుందంటారు. జీవిత భాగస్వామి ఎంపికలో జాగరూకతతో ఉండాలి. అప్పుడే సరైన వారిని చేసుకునే అవకాశం ఉంటుంది. అంతేకాని ఎవరో ఒకరిని చేసుకుంటే మనకు తిప్పలు తప్పవు. పెళ్లి విషయంలో తప్పు చేస్తే ఆ శిక్ష జీవితాంతం అనుభవించాల్సి ఉంటుంది. ఈనేపథ్యంలో పెళ్లి చేసుకునే క్రమంలో మంచి జీవిత భాగస్వామిని ఎన్నుకునేందుకు చొరవ తీసుకోవాలి.
వివాహం చేసుకునేటప్పుడు అటు ఏడు తరాలు ఇటు ఏడు తరాలు చూడాలని అంటారు. అంటే మనం చేసుకునే వారి సంప్రదాయాలు లెక్కలోకి తీసుకోవాలి. వారి కుటుంబంలో ఏవైనా లోటుపాట్లు ఉంటే వాటిని కూడా లోతుగా పరిశీలించాలి. మన కుటుంబానికి సరిపోతారో లేదో తెలుసుకుని సంబంధం కలుపుకుంటే మంచిది. లేకపోతే మనుగడ కష్టం.
జీవిత భాగస్వామికి తెలివితేటలు లేకపోతే కష్టమే. కనీస పరిజ్ణానం లేకపోతే అన్ని విషయాలు తెలియవు. దీంతో ఇబ్బందులు ఎదుర్కోవడం జరుగుతుంది. తెలివి ఉంటే సమస్యల నుంచి బయట పడేందుకు దారులు వెతుక్కుంటారు. లేకపోతే వాటితోనే సతమతమవుతూ ఉంటారు. స్త్రీలు అయినా పురుషులు అయినా లోకజ్ణానం లేకపోతే సమాజంలో జీవించడం కష్టం.
అందమైన రూపం చూసి మోసపోవద్దు. అందమైన మనసు ఉండాలి. లేకపోతే మన ఇంటికి అరిష్టమే. కాబోయే జీవిత భాగస్వామికి మంచి మనసు లేకుంటే సమస్యలు రావడం కామన్. వైవాహిక జీవితంలో శాంతి ఉండదు. సమస్యలే ఎదురవుతాయి. అలా జీవిత భాగస్వామిని ఎన్నుకునే సమయంలో మనం జాగ్రత్తలు తీసుకోకపోతే తిప్పలు తప్పవని తెలుసుకోవాలి.
