నాని హీరోగా నటించిన దసరా చిత్రం 5 రోజుల్లోనే 92 కోట్ల గ్రాస్ వసూళ్లను సాధించింది. మార్చి 30 న భారీ ఎత్తున విడుదలైన దసరా చిత్రానికి తెలుగు ప్రేక్షకులు మాత్రం సాలిడ్ గా వసూళ్లు కురిపిస్తున్నారు. దసరా ఎమోషన్ ప్రేక్షకులకు కనెక్ట్ కావడంతో వసూళ్ల వర్షం కురుస్తోంది. ప్రపంచ వ్యాప్తంగా దసరా 5 రోజుల్లోనే 92 కోట్లను వసూల్ చేసింది.
నాని యాక్టింగ్ కి ఫిదా అయిన ప్రేక్షకులు బ్రహ్మరథం పట్టారు. కీర్తి సురేష్ నటనకు కూడా జనాలు జేజేలు పలుకుతున్నారు. మహానటి చిత్రం తర్వాత కీర్తి సురేష్ నటించిన చిత్రాలేవీ పెద్దగా ఆడలేదు. దాంతో ఈ భామ పై విమర్శలు పుట్టుకొచ్చాయి. కట్ చేస్తే దసరా చిత్రం కీర్తి సురేష్ లోని మరో కోణాన్ని చూపించింది.
ఇక దర్శకుడు శ్రీకాంత్ ఓదెల ఈ చిత్రంతో ఒక్కసారిగా హాట్ కేక్ అయిపోయాడు. శ్రీకాంత్ ఓదెల కోసం పలువురు హీరోలు , అలాగే పలువురు నిర్మాతలు పోటీ పడుతున్నారు. అలాగే ఈ దసరా చిత్రంతో నిర్మాత చెరుకూరి సుధాకర్ దశ కూడా తిరిగింది. పాపం ఈ నిర్మాత నిర్మించిన చిత్రాలన్నీ ప్లాప్ లే ! అయినా కూడా సినిమా అంటే మక్కువ ఉండటంతో ఎలాగైనా సరే సక్సెస్ కొట్టాలని కసిగా చేసిన చిత్రమే ఈ దసరా. దాంతో భారీ విజయాన్ని అందుకున్నాడు.