Natural star Nani : న్యాచురల్ స్టార్ నానిని పూర్తిగా మాస్ గా చూపించిన మూవీ ‘దసరా’. నాని గెట‌ప్‌, ఎమోష‌న్స్‌, ఫ్రెండ్షిప్‌, యాక్షన్‌.. అన్నీ ఈ సినిమాలో బాగా పండాయి. పాట‌లు కూడా భారీగా హిట్ అయ్యాయి. నానితో పాటు కీర్తి సురేశ్ కు దసరాతో మంచి గుర్తింపు లభించింది. ఈ సినిమాతోనే ద‌ర్శకుడిగా శ్రీకాంత్ ఓదెల అరంగేట్రం చేశాడు. తొలి సినిమాలోనే తన మార్క్ చూపించాడు.
ఇక దసరా తర్వాత శ్రీకాంత్ నుంచి మరో సినిమాకు సంబంధించి ఇప్పటి వరకు ఎలాంటి అనౌన్స్ మెంట్ రాలేదు. అయితే.. నానితోనే మరో సినిమా చేయాలని శ్రీకాంత్ ఓదెల అనుకుంటున్నాడని టాక్. ‘దసరా’తో భారీ బాక్సాఫీస్ హిట్ ఇచ్చినందుకు రిట‌ర్న్ గిఫ్ట్ గా నాని శ్రీకాంత్ కు మరో ఛాన్స్ ఇచ్చాడు. ‘దసరా’ను తెర‌కెక్కించిన చెరుకూరి సుధాక‌రే ఈ అప్ కమింగ్ మూవీకి నిర్మాతగా వ్యవహిస్తుండడం విశేషం.
ఈ సినిమాకు సంబంధించి కథ ఇప్పటికే ఓకే అయ్యింది. ఇప్పుడు తుది మెరుగులు మాత్రం దిద్దుతున్నారు. నాని ప్రస్తుతం ‘స‌రిపోదా శనివారం’ షూటింగ్ లో బిజీగా ఉన్నాడు. త్రివిక్రమ్ శ్రీనివాస్ – నాని కాంబినేష‌న్‌లో ఓ సినిమా కూడా ఫిక్స్ అయినట్లు స‌మాచారం అందుతుంది. దానిపై క్లారిటీ రావాల్సి ఉంది. ‘స‌రిపోదా శనివారం’ త‌ర‌వాత మాటల మాంత్రికుడు త్రివిక్రమ్ తో సినిమా మొదలవుతుందని టాలీవుడ్ సర్కిల్ లో టాక్ ఉంది. అదేమైనా ఆల‌స్యం జరిగితే శ్రీకాంత్ ఓదెలతో సినిమా మొదలు పెడతారు నాని.
నాని-మృణాల్ ఠాకూర్ జంటగా నటించిన హాయ్ నాన్న ఇటీవల రిలీజైంది. కూతురు ఫాదర్ సెంటిమెంట్ తో వచ్చిన ఈ సినిమా అనుకున్నంతగా కాకపోయినా పర్వాలేదనిపించింది.
