ఆ గార్డు నిజంగా అదృష్టవంతుడే..!

• బర్త్ డే జరిపి అభిమానాన్ని చాటుకున్న ఉద్యోగులు

security guard celebrating birthday : Cపుట్టిన రోజనేది అందరి జీవితాల్లో ప్రత్యేకంగా ఉంటుంది. ఆరోజంతా కుటుంబ సభ్యులతోనో, ఫ్రెండ్స్, బంధువులు ఇలా తమకు నచ్చిన వారితో గడపడానికి ఇష్టపడుతారు.  కేక్ కటింగ్, పార్టీలు ఇలా ఆ రోజంతా పెద్ద పండుగ వాతావరణ మే ఉంటుంది. అయితే ఒంటరిగా ఉంటున్న వారికి కూడా కొందరు ఫ్రెండ్స్ సర్ప్రైజ్ పార్టీలతో షాక్ ఇస్తుంటారు. మేమున్నామని భరోసానిస్తుంటారు. ఇక్కడ ఒక సెక్యూరిటీ గార్డు ది కూడా అలానే జరిగింది. కానీ సర్ప్రైజ్ ఇచ్చింది మాత్రం తన ఫ్రెండ్స్ కాదు. తనపై ఉద్యోగులు..

భావోద్వేగంతో కన్నీళ్లు..

ఇతర దేశానికి చెందిన ఓ వ్యక్తి మలేషియాలో సెక్యూరిటీ గార్డు గా పనిచేస్తున్నాడు. ఎనిమిదేళ్లుగా ఒక కార్యాలయంలో తన విధులు నిర్వహస్తున్నాడు. తను అక్కడ పనిచేస్తేనే తమ దేశంలో ఉన్న తన కుటుంబం రోజు గడుస్తది. ఈ క్రమంలో ఇటీవల ఆయన పుట్టిన రోజు వచ్చింది. ఇంటికి వెళ్లడం కుదరదు. రూమ్ లో ఒంటరిగానే ఉండాల్సిన పరిస్థితి. స్థానికంగా పెద్దగా స్నేహితులు కూడా లేరు. అందుకే ఇక తన ఆఫీస్ కు వచ్చాడు. విధుల్లో నిమగ్నమయ్యాుడు. ఇంతలోనే తనను ఓ ఉద్యోగి కార్యాలయంలోకి పిలిచాడు. లోపలికి వెళ్లిన ఆయన షాక్ అయ్యాడు. తన పుట్టిన రోజని తెలసి ఉద్యోగులంతా కేక్ తెప్పించారు అందరూ విష్ చేశారు. ఈ ఘటనతో ఆ సెక్యూరిటీ గార్డు ఒక్కసారిగా భావోద్వేగానికి గురయ్యాడు. కన్నీళ్లు పెట్టుకున్నాడు. దేశం కాని దేశంలో ఒంటరిగా ఉంటున్న తనకు ఇంతమంది తోడున్నారని మనసులో అనుకున్నాడు. ప్రస్తుతం ఆయన బర్త్ డే వేడుక వీడి యో ఇంటర్నెట్ లో వైరల్ గా మారింది.