Nithya Menon : తెలుగు తెరకు పరిచయమైన హీరోయిన్లలో నిత్యామీనన్ ఒకరు. తెలుగుతోపాటు తమిళం, మలయాళం, కన్నడ భాషల్లో నటించి పాటలు కూడా పాడింది. ఆమె నటించిన సినిమాలు దాదాపు బ్లాక్ బస్టర్ హిట్లుగానే నిలిచాయి. అలా మొదలైంది సినిమాతో తెరంగేట్రం చేసిన నిత్యామీనన్ తెలుగులో పలు సినిమాల్లో అలరించింది. తన నటనతో అందరిని ఆకట్టుకుంది.
తాజాగా పవన్ కల్యాణ్ తో భీమ్లా నాయక్ లో నటించింది. ఇందులో పవన్ కల్యాణ్ భార్య పాత్రలో ఒదిగిపోయింది. హీరోయిన్లకు లైంగిక వేధింపులు మామూలే. ఎక్కడో ఒక చోట కామాంధులు ఉండే ఉంటారని తన మనసులోని మాట చెప్పింది. తెలుగులో తనకు అలాంటి అనుభవాలు ఎదురు కాకపోయినా తమళంలో మాత్రం తప్పలేదు.
తమిళంలో ఓ హీరో తనను వేధించాడని చెప్పుకుంది. కావాలనే తాకడం, వెకిలి చేష్టలు చేయడం వంటి పనులు చేయడంతో చాలా ఇబ్బందులు ఎదుర్కొన్నాను. కళాకారులకు అలాంటివి లైంగిక వేధింపులు తప్పవు. కావాలని అలా చేసే వారంటే అసహ్యం. ఆడవారిని కించపరచే విధంగా ప్రవర్తించడం వారి హుందాకు తగదని చెబుతోంది.
ఎందరో హీరోలతో చేసిన ఆమె నితిన్ కు సైతం మంచి హిట్లు ఇచ్చింది. ఇష్క్, గుండె జారి గల్లంతయిందే చిత్రాలతో నితిన్ కు పోయిన పరువును నిలబెట్టింది. ఆమెతో సినిమాలు చేసిన హీరోలందరికి హిట్లు వచ్చాయి. ఇండస్ట్రీలో గోల్డెన్ లెగ్ గా చెబుతారు. నిత్యామీనన్ మరిన్ని తెలుగు సినిమాలు చేసి మంచి పేరు తెచ్చుకోవాలని అందరు కోరుకుంటున్నారు.
