Dunky Movie : బాలీవుడ్ లో షారూక్ ఖాన్ ప్రయాణం అంత ఆశామాషీగా జరగలేదు. ప్రతీ సినిమాను ఆయన ఒక ప్రయోగంగా తీసుకునేవారు. ఆయన సినిమా సగటు హిందీ ప్రేక్షకుడు సైతం థియేటర్ కు రావాల్సిందే. ఆ విధంగా ఆయన రాను రాను బ్లాక్ బస్టర్ సినిమాలను అందిస్తూ వచ్చారు. షారూక్ ఏ మేరకు పెరిగారంటే ఆయన సినిమా రిలీజ్ కాకుండా బలీవుడ్ కు భారీ దెబ్బ అనే అంతలా ఎదిగారు.
జవాన్ సినిమా బ్లాక్ బస్టర్ హిట్ తో బాలీవుడ్ ఇండస్ట్రీలో దూసుకుపోతున్నారు షారూక్ ఖాన్. ఇదే ఊపుతో ఈ నెల (డిసెంబర్)లో రాజ్ కుమార్ హిరానీ ‘డంకీ’తో మరోసారి ప్రేక్షకుల ముందుకు రాబోతున్నాడు. ఈ తరం యువ ప్రేక్షకులు కూల్, హ్యాపీ-గో-లక్కీ సినిమాల నుంచి మరిన్ని ‘యానిమల్’ తరహా ట్రీట్‌లకు మారుతున్నారా లేదా హిరానీ చిత్రాల శైలిని అభినందించడానికి ఇంకా పాత అభిరుచిని నిలుపుకుంటున్నారా అనేది నిర్ణయించడానికి ఇది ఒక లిట్మస్ పరీక్షగా మారనుంది.
రాజ్ కుమార్ హిరానీ ఈ చిత్రంలో తన విలక్షణమైన శైలిని ప్రజెంట్ చేస్తుండగా, ‘పఠాన్’, ‘జవాన్’ చిత్రాలతో పోలిస్తే షారుక్ ఈ సినిమాలో డిఫరెంట్ మోడ్ లో నటిస్తున్నాడు. కాబట్టి ఈ సినిమా బాక్సాఫీస్ వద్ద పెద్ద హిట్ అయితే ఈ తరం యువ ప్రేక్షకులు అన్ని రకాల సినిమాలను సమాన ఆసక్తితో చూసేందుకు సిద్ధంగా ఉన్నారని చెప్పవచ్చు. అయితే, అది విఫలమైతే, అవి ముందుకు సాగవని మనం నిర్ధారణకు రావలసి ఉంటుంది. మరి ఏం జరుగుతుందో వేచి చూడాల్సిందే.
