Relieve constipation : మలబద్ధకం ఈ రోజుల్లో కామన్ గా మారింది. చాలా మంది ఈ సమస్యతో ఇబ్బందులు ఎదుర్కొంటున్నారు. బలహీనమైన జీర్ణవ్యవస్థ, జంక్ ఫుడ్స్ తీసుకోవడం, ప్రాసెస్ ఫుడ్, నీరు తక్కువగా తాగడం, ఫైబర్ తక్కువగా ఉండటం, రాత్రిపూట ఆలస్యంగా తినడం, నిశ్చల జీవనశైలి కారణంగా మలబద్ధకం సమస్య రావడం సహజమే. దీంతో మనకు చాలా సమస్యలు కూడా వస్తాయి.
మలబద్ధకం సమస్య ఎక్కువ కాలం ఉంటే తలనొప్పి, గ్యాస్, వికారం, వాంతులు, ముఖం మీద మొటిమలు వంటి సమస్యలు కూడా ఎక్కువవుతాయి. దీంతో మన రోగ నిరోధక వ్యవస్థ దెబ్బతింటుంది. ఈ నేపథ్యంలో మలబద్ధకం సమస్యను తగ్గించుకోవడానికి మందులు వాడుతూ ఉంటారు. కొన్ని యోగాసనాలు వేస్తే మలబద్ధకం సమస్యను దూరం చేసుకోవచ్చు.
మలబద్ధకం సమస్యను లేకుండా చేసుకోవడానికి పవన ముక్తాసనం పరిష్కారం చూపుతుంది. కడుపు ఉబ్బరం, గ్యాస్ సమస్యలకు మలబద్ధకం సమస్యను దూరం చేయడంలో ఈ ఆసనం బాగా ఉపయోగపడుతుంది. జీర్ణవ్యవస్త కండరాలపై ప్రభావం చూపుతుంది. పవన ముక్తాసనం చేయడం వల్ల పేగుల పనితీరు మెరుగుపడుతుంది. అపాన వాయువు బయటకు పోతుంది. మలబద్ధకం సమస్య తగ్గుతుంది.
మలబద్ధకం సమస్యకు భుజంగాసనం, వజ్రాసనం, అర్థ మత్స్యేంద్రాసనం వంటివి బాగా ఉపకరిస్తాయి. రోజు ఉదయం సమయంలో వీటిని వేయడం వల్ల ఎంతో ప్రయోజనం కలుగుతుంది. అందరు ఈ ఆసనాలు వేయడం వల్ల మేలు చేస్తుంది. ఇలా ఈ ఆసనాలు వేయడం వల్ల మలబద్దకం సమస్యకు చెక్ పెట్టొచ్చు. ఈ విషయం గుర్తించుకుని అందరు విధిగా ఈ ఆసనాలు చేయడం మంచిది.