Relieve Constipation : మలబద్ధకం సమస్య ఈ రోజుల్లో సహజంగా విస్తరిస్తోంది. దీంతో చాలా రకాల సమస్యలు ఏర్పడుతున్నాయి. మలబద్ధకం సమస్య రాకుండా ఉండాలంటే ఫైబర్ కంటెంట్ ఉన్న ఆహారాలను తీసుకోవడం వల్ల మేలు కలుగుతుంది. ఫైబర్ ఎక్కువగా కూరగాయల్లో ఉంటుంది. దీంతో వాటిని ఎక్కువగా మన ఆహారంలో భాగంగా చేసుకోవడం ఎంతో ఉత్తమం అని ఆరోగ్య నిపుణులు చెబుతున్నారు.
మన ఆహారంలో నెయ్యి చేర్చుకుంటే కూడా మలబ్ధకం సమస్య దూరమవుతుంది. ఇందులో ఉండే బ్యూటిరేట్ కంటెంట్ మలబద్ధకం సమస్యను తగ్గిస్తుంది. ఇంకా రోజు క్రమం తప్పకుండా వ్యాయామం చేయడం వల్ల మంచి ఫలితాలు ఉంటాయి. రోజు మన ఆహారంలో ఒక టీ స్పూన్ నెయ్యి తీసుకుంటే ఉపశమనం లభించడం ఖాయమని చెబుతుంటారు.
ఉసిరికాయ కూడా పోషకాల గని. ఇందులో ఉండే ఫైబర్ వల్ల మలబద్ధకం రాకుండా చేస్తుంది. ఉసిరి మనం తిన్న ఆహారం త్వరగా జీర్ణం కావడానికి దోహదపడుతుంది. దీంతో దీన్ని ఎక్కువగా తీసుకుంటే మంచిది. ఆపిల్ జ్యూస్ కూడా మలబద్ధకం సమస్యకు చెక్ పెడుతుంది. ఇందులో ఉండే విటమిన్ ఎ, సి, ఇ, కె వంటి వాటి వల్ల మలబద్ధకం నివారించబడుతుంది.
మలబద్ధకం సమస్యకు పాలు కూడా పరిష్కారం చూపుతాయి. రోజు పడుకోవడానికి అరగంట ముందు గోరువెచ్చని పాలు గ్లాసు తాగడం వల్ల ఈ సమస్య నుంచి తప్పించుకోవచ్చు. ఇలా మనం తీసుకునే ఆహారాల్లో మార్పులు చేసుకుంటే మనకు ఎంతో లాభం కలుగుతుంది. ఆరోగ్య నిపుణుల సలహాలు, సూచనలు పాటించి మనకు అవసరమయ్యే వాటిని తీసుకుంటే ఉత్తమం.
