Anushka Shetty : తెలుగు సినీ పరిశ్రమలో అందాల తార ఎవరంటే అనుష్క అని చెబుతారు. తన అందంతో పిచ్చెక్కిస్తోంది. మొదట్లో అందాలు ఆరబోసినా తరువాత తన నటనతో మైమరపించింది. హీరోయిన్ అంటే అందమే కాదు నటన కూడా ప్రాధాన్యం ఉంటుందని నిరూపించింది. అరుంధతిలో జేజమ్మ పాత్రను చాలెంజ్ గా పోషించి పలు అవార్డులు దక్కించుకుంది. అలా ఇండస్ట్రీలో తనకంటూ ఓ ఇమేజ్ తెచ్చుకుంది.
హీరోయిన్ అంటే పాటలకే పరిమితం కాదు అవసరమైతే సినిమాను ముందుండి నడిపించాలనే సంప్రదాయానికి తెర తీసింది. ఆమెను నమ్ముకుని సినిమాలు తీసిన నిర్మాతలకు నష్టాలు మిగల్చలేదు. నూటికి నూరు శాతం తన పాత్రకు న్యాయం చేయడానికే ఇష్టపడుతుంది. ఈనేపథ్యంలో ఆమె సినిమాలు బ్లాక్ బస్టర్ హిట్లే. దీంతో నిర్మాతలకు నష్టాలు రాకుండా చూసుకోవడం ఆమె ప్రత్యేకత.
రెండు దశాబ్దాలుగా తెలుగు పరిశ్రమను ఏలుతోంది. తన అందంతో అందరిని బంధిస్తోంది. అనుష్క అంటేనే అందం అనే ట్రెండ్ క్రియేట్ చేసింది. ప్రస్తుతం అనుష్క వయసు నలభై ఏళ్లు దాటింది. దీంతో ఆమె పెళ్లిపై రకరకాల పుకార్లు వస్తూనే ఉన్నాయి. ఒక దశలో ప్రభాస్ తో రిలేషన్ కొనసాగిస్తోందని చాలా వార్తలు వచ్చాయి. వీటిని ఇద్దరు ఖండించారు. తాము మంచి ఫ్రెండ్స్ అని చెప్పుకొచ్చారు.
ఇప్పుడు తాజాగా మరో వార్త హల్ చల్ చేస్తోంది. ఓ క్రికెటర్ తో ప్రేమాయణం కొనసాగిస్తోందని చెబుతున్నారు. త్వరలో వీరి పెళ్లి జరుగుతుందని కథనాలు వస్తున్నాయి. ఇందులో నిజమెంతో తెలియడం లేదు. కానీ ప్రస్తుతం ఈ వార్త సోషల్ మీడియాలో చక్కర్లు కొడుతోంది. మొత్తానికి అనుష్క ఓ ఇంటిది కాబోతోందా? ఏమో వేచి చూడాలి మరి.
