ఇక మన ఇండస్ట్రీలో స్టార్ హీరోయిన్ అనుష్క శెట్టి పెళ్లి గురించి వచ్చినన్ని రూమర్స్ మరో హీరోయిన్ పై రాలేదనే చెప్పాలి. ఈ భామ కెరీర్ స్టార్ట్ చేసినప్పటి నుండి పెళ్లి వార్తలు వస్తూనే ఉన్నాయి. ఈమె ఖండిస్తూనే ఉంది. ఇక అనుష్క కూడా తన పెళ్లి వార్తలపై స్పందించి స్పందించి విసిగిపోయింది. ఈమె చివరిసారిగా భాగమతి ప్రమోషన్స్ లో కనిపించింది. ఆ తర్వాత బయట కనిపించలేదు.
ప్రస్తుతం అనుష్క మరొక సినిమాతో ఈ వీకెండ్ ప్రేక్షకుల ముందుకు రాబోతుంది.. మిస్ శెట్టి మిస్టర్ పోలిశెట్టి సినిమాతో సెప్టెంబర్ 7న ప్రేక్షకుల ముందుకు రాబోతుంది.. నవీన్ పోలిశెట్టి, అనుష్క ప్రధాన పాత్రల్లో నటించిన ఈ సినిమాపై డీసెంట్ బజ్ క్రియేట్ అయ్యింది. అయితే నవీన్ మాత్రమే ప్రమోషన్స్ చేస్తుండగా అనుష్క మాత్రం ప్రమోషన్స్ లో పాల్గొనడం లేదు.
ఒక ఇంగ్లీష్ మీడియాకు మాత్రం ఇంటర్వ్యూ ఇచ్చింది. ఈ ఇంటర్వ్యూలో పెళ్లి ప్రస్తావన వచ్చింది.. పెళ్ళికి నేను వ్యతిరేకం కాదు.. సమయం వచ్చినప్పుడు తప్పకుండ పెళ్లి చేసుకుంటా అంటూ ఈ భామ చెప్పుకొచ్చింది. ఇక ఈ సినిమాలో ఈమె అన్విత రోల్ చేసిందని ఆ రోల్ తనకు బాగా నచ్చిందని అదృష్టం ఉంటేనే ఇలాంటి పాత్రలు వస్తాయని చెప్పుకొచ్చింది.