Mahesh Babu : సంక్రాంతి వచ్చిందంటే చాలు సినిమాల జాతర మొదలవుతుంది. ప్రతీ ఏటా సంక్రాంతికి భారీ సినిమాలను బరిలో నిలుపుతారు నిర్మాతలు. ఈ సారి కూడా 4 భారీ సినిమాలు బరిలో ఉన్నాయని అనౌన్స్ మెంట్లు కూడా జరిగిపోయాయి. ఇందులో మూడు సినిమాలు స్టార్ హీరోలవి కాగా.. ఒక్క మూవీ యంగ్ హీరోది. తేజ సజ్జ హను-మాన్, విక్టరీ వెంకటేశ్ సైంధవ్, రవితేజ ఈగల్ కూడా రిలీజ్ కానున్నాయి.
ఇందులో యంగ్ హీరో మూవీ పాన్ ఇండియాగా వస్తుంది.
ఈ నాలుగు సినిమాల్లో మహేశ్ బాబు ‘గుంటూరు కారం’ ఉండగా.. యంగ్ స్టార్ తేజ సజ్జ ‘హను-మాన్’ కూడా ఉంది. ఈ రెండు సినిమాలు సంక్రాంతి బాక్సాఫీస్ వద్ద నెక్ టు నెక్ తలపడేలా కనిపిస్తుంది. మహేశ్ బాబు సినీ కెరీర్ లో ఇప్పటి వరకు సుదీర్ఘ కాలం వాయిదా పడుకుంటూ కంప్లీట్ చేసుకున్న చిత్రం ఇదే కావచ్చు. త్రివిక్రమ్ శ్రీనివాస్ దర్శకత్వంలో ఈ సినిమా మొదలైనప్పటి నుంచి మహేశ్ బాబు ఇంట్లో వరుస మరణాలు జరిగాయి. దీంతో షూటింగ్ వాయిదా పడుతూ వస్తోంది. ఎట్టకేలకు జనవరి 12న రిలీజ్ అవుతుంది.
ఈ నేపథ్యంలో సోషల్ మీడియాలో ఒక అంశం వైరల్ గా మారింది. హను-మాన్ లో హీరోగా చేస్తున్న తేజ సజ్జ ఒకప్పుడు మహేశ్ బాబు సినిమాలో మహేశ్ బాబుకే కొడుకుగా నటించాడు. ఇప్పుడు బాక్సాఫీస్ వద్ద మహేశ్ తోనే పోటీ పడుతున్నాడు. మహేశ్ బాబు కెరీర్ లో రెండో చిత్రంగా వచ్చిన మూవీ ‘యువరాజు’. ఈ సినిమాలో మహేశ్ కొడుకు పాత్రలో తేజ సజ్జ నటించాడు. తేజ కొన్ని సినిమాల్లో బాలనటుడిగా కనిపించాడు. ఇప్పుడు హీరోగా మారి ప్రశాంత్ వర్మ దర్శకత్వంలో హను-మాన్ చేసి మహేశ్ బాబుకే పోటీగా వచ్చాడు.
ఈ వైరల్ న్యూస్ పై తేజ సజ్జ స్పందించారు. తన ఎక్స్ (ట్విటర్) వేదికగా ‘సూపర్ స్టార్ తో పోటీ ఏంటి? ఆయన పోటీ కాదు.. ఆయనతో పాటుగా’ అంటూ ట్వీట్ చేశాడు. తేజ మాటలకు మహేశ్ బాబు ఫ్యాన్స్ తో పాటు పలువురు పాజిటివ్ కామెంట్లు పెడుతున్నారు.