Varun Lavanya Beautiful Journey : మెగా కుటుంబంలో యంగ్ జనరేషన్ లో ఆరు అడుగుల అందగాడు ఎవరు అంటే ఇట్టే చెప్పేస్తారు.. వరుణ్ తేజ్ కొణిదెల అని.. మరి వరుణ్ తేజ్ కొణిదెల బ్యూటిఫుల్ హీరోయిన్ లావణ్య త్రిపాఠీ ప్రేమలో పడిపోయి పెద్దలను ఒప్పించి పెళ్లి కూడా చేసుకున్నాడు. వీరి ప్రేమ ప్రయాణం పెళ్లిగా మారిన తరుణంలో ఏం జరిగిందో తెలుసుకుందాం..
2017లో మిస్టర్ సినిమాతో వరుణ్, లావణ్య మధ్య పరిచయం ఏర్పడింది. ఈ సినిమా సమయంలో మంచి ఫ్రెండ్స్ గా మారిన ఈ జంట మొదటి ప్రేమ అడుగులు ఇటలీలోనే పడిందని అందుకే పెళ్లి అక్కడే చేసుకున్నారు. ఈ సినిమా పెద్దగా హిట్ అవ్వకపోయిన ఆ తర్వాత చేసిన అంతరిక్షం బాగానే హిట్ అయ్యింది.
ఇక అంతరిక్షం సినిమా సమయంలోనే ఫ్రెండ్స్ నుండి ప్రేమికులుగా మారిపోయారు. లావణ్య ప్రేమలో పడిన వరుణ్ ఆమె బర్త్ డే రోజు ప్రపోజ్ కూడా చేసినట్టు తెలుస్తుంది. లావణ్య కూడా ఒప్పుకోవడంతో ఐదేళ్లు కలిసి వీరు సీక్రెట్ గా ప్రేమించుకుని ఈ ఏడాది వీరి రిలేషన్ ను బయట పెట్టారు.
మొత్తానికి ఇలా ఈ జంట తమ ప్రేమను సక్సెస్ ఫుల్ గా పెళ్లి బంధంగా మార్చుకున్నారు. వరుణ్ తేజ్, లావణ్య త్రిపాఠి పెళ్లి బుధవారం రాత్రి 7 గంటల 18 నిముషాలకు ఇటలీ లోని టస్కానీలో ఘనంగా అంగరంగ వైభవంగా జరిగింది.. వరుణ్, లావణ్య పెళ్లి తర్వాత అందరి ఆశీర్వాదం తీసుకుంటున్న పిక్ నాగబాబు షేర్ చేసి అందరు ఆశీస్సులు ఇవ్వాలని కోరారు. ఈ పిక్ క్షణాల్లోనే వైరల్ అయ్యింది. ఇక పెళ్లి వేడుక నవంబర్ 1న ముగియడంతో నెక్స్ట్ నవంబర్ 5న ఇక్కడ హైదరాబాద్ లోని ఎన్ కన్వెన్షన్ సెంటర్ లో రిసెప్షన్ వేడుక గ్రాండ్ గా జరగనుంది.
