Renu Desai Comments : టాలీవుడ్ లో అతి పెద్ద కుటుంబం అయిన మెగా కుటుంబంలో పెళ్లి బాజాలు మ్రోగబోతున్నాయి.. మెగా బ్రదర్ నాగబాబు ఒక్కగానొక్క కొడుకు వరుణ్ తేజ్ మరో 24 గంటల్లో ఫ్యామిలీ లైఫ్ లోకి అడుగు పెట్టబోతున్నాడు. వరుణ్ తేజ్ తాను ప్రేమించిన లావణ్య త్రిపాఠీతో నవంబర్ 1న పెళ్లి పీటలు ఎక్కబోతున్నాడు.
గత కొద్దీ రోజుల నుండి టాలీవుడ్ లో మెగా కుటుంబం మొత్తం ప్రీ వెడ్డింగ్ సెలెబ్రేషన్స్ లో బిజీగా ఉన్నారు.. ఇక ఇప్పుడు పెళ్లి డేట్ దగ్గరకు రావడంతో అంత హడావిడి స్టార్ట్ అయ్యింది.. అందులోను ఇటలీలో డెస్టినేషన్ వెడ్డింగ్ ప్లాన్ చేయడంతో మెగా కుటుంబం, అల్లు కుటుంబం అత్యంత సన్నిహితులు ఇటలీ పయనం అవుతున్నారు.
ఇప్పటికే మెగా కుటుంబం అటు లావణ్య కుటుంబం మొత్తం ఇటలీ చేరుకున్నారు. ఇదిలా ఉండగా పవర్ స్టార్ పవన్ కళ్యాణ్ మాజీ భార్య రేణు దేశాయ్ కు కూడా పెళ్ళికి పిలుపు అందినట్టు తెలుస్తుంది..
కానీ ఈమె కానీ పిల్లలు కానీ పెళ్ళికి వెళ్లడం లేదని రేణు దేశాయ్ తాజా ఇంటర్వ్యూలో తెలిపింది.. తాను పెళ్ళికి వెళితే అక్కడ వారంతా అన్ కంఫర్టబుల్ గా ఫీల్ అవుతారని అందుకే వెళ్లనని తెలిపింది.. నిహారిక పెళ్ళికి పిల్లలు వెళ్లారని కానీ ఇప్పుడు ఎవరము వెళ్లడం లేదని తెలిపింది.. అయితే వరుణ్ నా కళ్ల ముందు పెరిగిన వాడని తనకు నా ఆశీస్సులు ఎప్పుడు ఉంటాయని చెప్పుకొచ్చింది.. ఇక వరుణ్ తేజ్, లావణ్య పెళ్లి వేడుక నవంబర్ 1న ముగియగా నవంబర్ 5న ఇక్కడ ఎం కన్వెన్షన్ సెంటర్ లో రిసెప్షన్ వేడుక గ్రాండ్ గా జరగనుంది.