Young Tiger NTR Meeting Amit Shah : కేంద్ర హోంమంత్రి అమిత్ షా గతేడాది ఆగస్టులో టాలీవుడ్ నటుడు జూనియర్ ఎన్టీఆర్ తో సమావేశమయ్యారు. తెలంగాణ పర్యటనలో భాగంగా వచ్చిన కేంద్ర మంత్రి అమిత్ షా తారక్ ను కలిసి ‘ఆర్ఆర్ఆర్’ సినిమాకు ఆస్కార్ రావడంపై అభినందనలు తెలిపారు. ఇప్పుడు మరోసారి వీరు కలుసుకుంటున్నారని, ఈ వార్తను విశ్వసనీయ వర్గాల ద్వారా ధృవీకరించారు.
గతేడాది మునుగోడు ఉప ఎన్నిక సందర్భంగా తెలంగాణలో భారీ బహిరంగ సభ నిర్వహించిన అమిత్ షా సభ తర్వాత కొందరు ప్రముఖులను కలిశారు. అందులో యంగ్ టైగర్ ఎన్టీఆర్ ఒకరు. ఆయనను కలిసిన అమిత్ షా కొద్ది సేపు మాట్లాడారు. అయితే రాజకీయాలా? లేక మరేమైనా అంశాలపై చర్చించారా అన్నది అప్పట్లో అధికారికంగా చెప్పలేదు. అయితే ఇప్పుడు మరో వార్త హల్ చల్ చేస్తుంది.
ఇటీవల ఆయన మరోసారి యంగ్ టైగర్ ఎన్టీఆర్ ను కలిశారు. ప్రస్తుతం ఎన్నికలు జరుగుతున్న సమయంలో వీరి భేటీపై రెండు రాష్ట్రాల్లో చర్చ మొదలైంది. తెలంగాణలో బీజేపీ తరుఫున క్యాంపెయిన్ చేయాలని అమిత్ షా యంగ్ టైగర్ ను కోరినట్లు సమాచారం అయితే వీటిపై అధికారికంగా ఎలాంటి విషయం బయటకు రాలేదు. అప్పుడంటే ఆస్కార్ కోసి కలిశారనుకున్నా.. ఇప్పుడు ఖచ్చితంగా ఎన్నికల క్యాంపెయిన్ కోసమే కలిసి ఉంటాడని అందరూ అనుకుంటున్నారు.
ప్రస్తుతానికి కొరటాల శివ దర్శకత్వంలో యంగ్ టైగర్ ఎన్టీఆర్ ‘దేవర’ చిత్రంలో నటిస్తున్నారు. ఇటీవల గోకర్ణలో కొంత మేర షూటింగ్ పూర్తి చేసుకున్న మూవీ తర్వలో మన ముందుకు వచ్చేందుకు వేగంగా చిత్రీకరిస్తున్నట్లు మేకర్స్ చెప్తున్నారు.
