Sri Vishnu సినిమాలో హీరోలను పక్కన పెడితే మంచి కంటెంట్ ఉంటే ప్రపంచంలో ఏ మూలకు వెళ్లినా ఆదరించే వారు లేకపోలేదు. ఇటీవల జపాన్ లో విడుదలైన ‘ఆర్ఆర్ఆర్’ రికార్డు కలెక్షన్లను రాబట్టింది. ఇంకా ప్రపంచలో ఏదో ఒక దేశంలో ఆర్ఆర్ఆర్ ఆడుతుందన్న వాదనలు కూడా వినిపిస్తున్నాయి. అగ్రహీరో సినిమా అని, అగ్ర డైరెక్టర్ అని తేడా లేకుండా మంచి కథ, కథనం ఉంటే చాలు హాయిగా వీక్షించిన ప్రేక్షకులు గుడ్ మార్క్స్ వేస్తారు. అలాంటి సినిమానే ఈ మధ్య కాలంలో రిలీజైన ‘సామజవరగమన’.
రామ్ అబ్బరాజు ఈ సినిమాకు డైరెక్షన్ చేయగా, హీరోగా శ్రీవిష్ణు నటించారు. ఆయన సరసన రెబా మోనికా జాన్ హీరోయిన్ గా చేసింది. పూర్తి ఎంటర్ టైనర్ గా వచ్చిన ఈ సినిమా ప్రస్తుతం దూసుకుపోతోంది. ఫస్ట్ వీక్ నుంచే కలెక్షన్ల మోత మోగిస్తోంది. మూడో రోజు బ్రేక్ ఈవెన్ అందుకుంది. రాను రాను బాక్సాఫీస్ కలెక్షన్లు రాబడుతోంది. నాలుగో రోజు నుంచి భారీ వసూళ్లకు తెరలేపింది. ఇటీవల 10 రోజుల పాటు థియేట్రికల్ రన్ పూర్తి చేసుకున్న ఈ మూవీ రూ. 7.12 కోట్ల షేర్, రూ. 13.05 కోట్ల గ్రాస్ వసూలు చేసింది. ఇక, వరల్డ్ వైడ్ షేర్ రూ. 10.37 కోట్లు, రూ. 20.35 కోట్ల గ్రాస్ సాధించింది. రూ. 3.5 కోట్ల బ్రేక్ ఈవెన్ టార్గెట్తో వచ్చిన ఈ మూవీ ఏకంగా రూ. 6.87 కోట్ల రేంజ్ లో లాభాలను సొంతం చేసుకొని ధుమ్ము రేపుతోంది.
ఓవర్సీస్లోనూ ‘సామజవరగమన’ తన సత్తాను చాటుకుంటుంది. కేవలం రూ. 25 లక్షలకు ఈ మూవీ థియేట్రికల్ రైట్స్ కొనుగోలు చేశారు. సెకండ్ వీకెండ్ లోకి అడుగుపెట్టక ముందే రూ. 2 కోట్ల షేర్ వసూలు చేసింది. దీనికి తోడు ఓవర్సీస్ లో పవన్ కళ్యాణ్ రికార్డును శ్రీవిష్ణు బ్రేక్ చేయనున్నట్లు కనిపిస్తుంది. కరోనా సమయంలో రిలీజైన పవన్ కళ్యాణ్ సినిమా ‘వకీల్ సాబ్’ అమెరికాలో 7 లక్షల 80 వేల డాలర్లు వసూలు చేసింది. ఇప్పుడు ఈ ‘సామజవరాగమన’ వకీల్ సాబ్ వసూళ్లను క్రాస్ చేయబోతోంది. ఇప్పటికే అమెరికాలో 7 లక్షల 20 వేల డాలర్లు సొంతం చేసుకుంది. ఫుల్ రన్ లో మరో 8 లక్షల డాలర్లకు పైగానే రాబట్టే అవకాశం ఉంది.