నటసింహం నందమూరి బాలకృష్ణ తాజాగా అనిల్ రావిపూడి దర్శకత్వంలో నటిస్తున్న విషయం తెలిసిందే. కాగా ఈ సినిమా దసరా బరిలో దిగుతోందని వెల్లడించింది చిత్ర బృందం. విజయదశమి కానుకగా NBK108 చిత్రాన్ని విడుదల చేయనున్నట్లు అధికారికంగా ప్రకటించింది చిత్ర యూనిట్. దాంతో దసరా పోటీ భలే రంజుగా మారుతోంది. ఇప్పటికే పలు చిత్రాలు దసరా పై కన్నేసాయి. ఇక ఇప్పుడు బాలయ్య రాకతో మరింత ఆసక్తికరంగా మారింది.
తెలంగాణ నేపథ్యంలో బాలయ్య చిత్రం రూపొందుతోంది. ఈ చిత్రంలో బాలయ్య మూడు రకాల విభిన్న గెటప్ లలో కనిపించనున్నాడు. బాలయ్య సరసన అందాల భామ కాజల్ అగర్వాల్ నటిస్తోంది. ఇక హీరోయిన్ శ్రీలీల బాలయ్య కూతురుగా నటించనుంది. యాక్షన్ ఎపిసోడ్స్ తో పాటుగా సెంటిమెంట్ కూడా అదిరిపోతుందట. ఇన్నాళ్లు అనిల్ రావిపూడి ఎంటర్ టైన్ మెంట్ చిత్రాలను మాత్రమే రూపొందించాడు. మొదటిసారి బాలయ్య కోసం యాక్షన్ డైరెక్టర్ గా మారుతున్నాడు. బాలయ్య గెటప్ కు మంచి స్పందన లభించింది. దాంతో ఈ సినిమాపై చాలా నమ్మకంగా ఉన్నారు అటు అభిమానులు ఇటు దర్శక నిర్మాతలు.