యంగ్ టైగర్ ఎన్టీఆర్ తాజాగా కొరటాల శివ దర్శకత్వంలో నటిస్తున్న విషయం తెలిసిందే. కాగా ఆ సినిమాలో మెయిన్ విలన్ గా బాలీవుడ్ హీరో సైఫ్ అలీఖాన్ ను తీసుకున్న విషయం తెలిసిందే. కాగా ఈరోజు సైఫ్ అలీఖాన్ ఎన్టీఆర్ 30 వ సినిమా సెట్ లోకి అడుగుపెట్టాడు. సైఫ్ అలీఖాన్ సెట్ లో అడుగు పెట్టడంతో ఎన్టీఆర్ , దర్శకుడు కొరటాల శివ సాదరంగా ఆహ్వానించారు.
అంతేకాదు సైఫ్ అలీఖాన్ , ఎన్టీఆర్ , కొరటాల శివ ల ఫోటోలను ఆ చిత్ర బృందం మీడియాకు విడుదల చేసింది. సైఫ్ అలీఖాన్ బాలీవుడ్ హీరో అనే విషయం తెలిసిందే. అయితే ఇటీవల కాలంలో సైఫ్ పలు చిత్రాల్లో విలన్ గా నటిస్తూ అద్భుతమైన నటన ప్రదర్శిస్తున్నాడు. హీరోగా కంటే విలన్ గా నటించే పాత్రల్లోనే ఎక్కువగా నటనకు అవకాశం ఉండటంతో అలాంటి పాత్రలను అంగీకరిస్తున్నాడు.
అయితే మొదట్లో ఈ సినిమాలో విలన్ గా నటించడానికి సైఫ్ ఒప్పుకోలేదు. దాంతో దర్శకుడు కొరటాల శివ మరోసారి సైఫ్ ను సంప్రదించడంతో చేసేదిలేక అందునా మంచి పాత్ర కావడంతో డేట్స్ అడ్జెస్ట్ చేసి అంగీకరించాడు. కట్ చేస్తే ఈరోజు సెట్ లోకి అడుగు పెట్టాడు. హైదరాబాద్ శివారు ప్రాంతంలో ఎన్టీఆర్ 30 సినిమా షూటింగ్ జరుగుతోంది. ఇక ఈ చిత్రంలో ఎన్టీఆర్ సరసన జాన్వీ కపూర్ నటిస్తున్న సంగతి తెలిసిందే.