యంగ్ టైగర్ ఎన్టీఆర్ తాజాగా కొరటాల శివ దర్శకత్వంలో ఓ చిత్రం తెరకెక్కనున్న విషయం తెలిసిందే. కాగా ఈ చిత్రంలో కీలక పాత్రలో లేడీ అమితాబ్ విజయశాంతి నటించనున్నట్లు తెలుస్తోంది. ఎన్టీఆర్ కు అత్త పాత్రలో విజయశాంతి అయితే బాగుంటుందని భావించిన దర్శకులు కొరటాల ఆమెని సంప్రదించారట. కథ కూడా చెప్పాడట.
అయితే విజయశాంతికి సినిమాల్లో నటించడం ఇష్టం లేదట. చాలాకాలంగా సినిమాలకు దూరంగా ఉన్న విజయశాంతి మహేష్ బాబు సరిలేరు నీకెవ్వరు చిత్రంతో రీ ఎంట్రీ ఇచ్చింది. ఆ సినిమాపై భారీ ఆశలే పెట్టుకుంది విజయశాంతి. అయితే ఆ అంచనాలను తగ్గట్లుగా తన పాత్ర లేకపోవడంతో కొంత అసంతృప్తి వ్యక్తం చేసింది. అందుకే కాబోలు మళ్ళీ సినిమాల్లో నటించను అని అంది.
కట్ చేస్తే కొరటాల శివ ఆమెని ఒప్పించే ప్రయత్నం అయితే చేసాడట. కథ విన్న విజయశాంతి గ్రీన్ సిగ్నల్ ఇస్తుందా ? లేదా ? అన్నది ఆసక్తికరంగా మారింది. మరి ఎన్టీఆర్ అత్తగా విజయశాంతి నటిస్తుందా ? లేదా ? అన్నది చూడాలి. ఒకవేళ ఎన్టీఆర్ అత్తగా విజయశాంతి నటిస్తే ప్రేక్షకులకు కనువిందు అనే చెప్పాలి. త్వరలోనే ఈ సినిమా సెట్స్ మీదకు వెళ్లనుంది.