Anjali : తెలుగు నేలపై పుట్టినా తమిళంలో మంచి గుర్తింపు సంపాదించుకుంది అంజలి. ఇక మదర్ టంగ్ తెలుగులో ఇప్పటి వరకైతే రాణించింది. ఇక కన్నడ, మలయాళం, హిందీల్లో కూడా రాణిస్తూనే ఉంది. సినిమాలతో పాటు వెబ్ సిరీస్ లోనూ కనిపిస్తూ దుమ్మురేపుతుంది ఈ అమ్మడు. ఆమె రీసెంట్ వెబ్ సిరీస్ ‘ఝాన్సీ’ ఓటీటీలో మంచి హిట్ గా నిలిచింది. దీంతో పాటు మరిన్ని వెబ్ సిరీస్, సినిమాలతో బిజీగానే ఉంది అంజలి.
తాజాగా ఒక ఇంటర్వ్యూలో అంజలి తనకు కాబోయే భర్త గురించి చెప్పింది. అతను ఎలా ఉండాలి..? తనకు ఎలాంటి క్వాలిటీస్ ఉంటే ఇష్టమో తెలిపింది. పెళ్లి, కాబోయే వరుడు గురించి ఇంటర్వ్యూవర్ అడిగిన ప్రశ్నలకు బదులిచ్చింది. ‘రిలేషన్ షిప్ లో ఉన్న సమయంలో ఒకరిపై ఒకరికి మొదట మర్యాద ఉండాలి. ఆ తర్వాతే ప్రేమ, అభిమానం అన్నీ ఏర్పాడుతాయి. మర్యాద లేదని వ్యక్తితో తాను రిలేషన్ కొనసాగించలేను’ అని చెప్పింది. కెరీర్, రిలేషన్షిప్లో ఏది ముఖ్యమనే ప్రశ్నకు బదులిస్తూ.. ‘రెండూ కూడా ప్రధానమైనవే’ అని తెలిపింది. నాకు కాబోయే వరుడికి మర్యాద తెలిసి ఉండాలి, అలాంటి వ్యక్తి కోసమే ఎదురుచూస్తున్నా’ అని చెప్పింది అంజలి. అయితే అప్పట్లో జర్నీ ఫేమ్ జైతో ప్రేమలో ఉన్నట్లు పుకార్లు వచ్చాయి. ఇక వీరిద్దరూ వివాహం కూడా చేసుకుంటారన్న వార్తలు కూడా బాగా వైరల్ అయ్యాయి.
గతంలోనూ అంజలి ఈ విషయంపై ఆసక్తి కరమైన వ్యాఖ్యలు చేసింది. నీకు ఎలాంటి భర్త కావాలని అడిగితే ‘విరాట్ కోహ్లి’లా హుషారుగా ఉండాలి, కోహ్లిలో ఉండే చురుకుదనం, అందం ఉండాలి’ అని చెప్పేసింది అంజలి. దీనికి తోడు మరిన్ని క్వాలిటీలను కూడా చెప్పింది ఈ అమ్మడు. నున్నగా షేవ్ ఉండద్దని, ట్రిమ్ మాత్రమే చేసుకోవాలని చెప్పింది. ధృడమైన నిర్ణయాలు తీసుకునే సత్తా ఉన్న వ్యక్తి కావాలని, అలాంటి లక్షణాలున్న వ్యక్తి భర్తగా రావాలని కోరుకుంటున్నానని చెప్పింది. అయితే ఇన్ని లక్షణాలు ఉన్న వ్యక్తి ఎదురయ్యరా..? అంటే, తనకు కావాల్సిన వ్యక్తి ఇంకా దొరకలేదని చెప్పింది. మరి ఇన్ని క్వాలిటీస్ ఎవరిలోనైనా ఉంటాయా..? ఎక్కడో ఒక చోట కాంప్రమైజ్ కావాల్సిందేనని నెటిజన్లు కామెంట్లు పెడుతున్నారు.
 |
ReplyForward
|
