Chanakya Niti : ఇల్లే కదా స్వర్గసీమ అంటారు. మనం ఇంట్లోనే ఎక్కువగా గడుపుతాం. అందుకే ఇల్లు సురక్షితమైన ప్రాంతంలో నిర్మించుకునేందుకు అందరు ఇష్టపడుతుంటారు. ఇల్లు ఎప్పుడు కూడా జనావాసాల్లోనే ఉండేలా జాగ్రత్తలు తీసుకుంటారు. ఏ అడవిలో ఎవరు కూడా ఇల్లు కట్టుకోరు. జీవితంలో మంచి ఇల్లు కట్టుకుని ఇంటి ముందు కారు పెట్టుకుని సంతోషంగా జీవితం గడపాలని ప్రతి ఒక్కరి ఆలోచన.
ఆచార్య చాణక్యుడు మనం కట్టుకుని ఇల్లు ఎలా ఉండాలి? ఎక్కడ ఉండాలి? అనే విషయాలపై స్పష్టత ఇచ్చాడు. జీవితంలో విజయాలు దక్కాలంటే మనం కట్టుకునే ఇల్లు కూడా ముఖ్యమైన పాత్ర పోషిస్తుందని చాణక్యుడి విశ్వాసం. మనం ఇల్లు కట్టుకునే చోట మనకు గౌరవం లేకపోతే మానుకోవాలి. ఎందుకంటే మన చుట్టు ఉన్న వారు మనల్ని గౌరవంగా చూడకపోతే బాగుండదు.
మనకు ఉద్యోగావకాశాలు ఉన్న చోట ఇల్లు కట్టుకోవాలి. మన ఇంటికి ఉద్యోగం చేసే చోటుకు దూరం ఎక్కువగా ఉంటే ఇబ్బందులు ఎదుర్కొంటాం. అందుకే మనం పని చేసే చోటుకు సమీపంలోనే ఇల్లు నిర్మించుకోవడం ఉత్తమం. మనకు ఇల్లు ఎంత సౌకర్యంగా ఉన్నా అందుబాటులో లేకపోతే కష్టాలు పడతాం. అందుకే మనం పనిచేసే చోట ఇల్లు కట్టుకోవడం ఉత్తమం.
స్నేహితులు, బంధువులు అందుబాటులో ఉండే చోట కట్టుకోవడం మంచిది. ఏదైనా అవసరాలు పడితే తొందరగా తీర్చుకోవచ్చు. అదే దూరంగా ఉంటే అక్కడికి వెళ్లడం కొంచెం కష్టంగా మారుతుంది. మనం నివసించే చోట మంచి విద్యాసంస్థలు ఉండేలా చూసుకోవాలి. పిల్లల చదువులు కూడా ముఖ్యమే కదా. వారిని ఎక్కడో దూరంగా వేస్తే వారిని తీసుకురావడం ఓ సమస్యగా మారొచ్చు.
జీవితంలో ఇల్లు చాలా ప్రభావవంతమైనది. మన విజయంలో ఇల్లు కూడా ప్రధాన పాత్ర పోషిస్తుంది. జీవితంలో ఎదగాలంటే ఇలాంటి సదుపాయాలు ఉన్న చోటనే ఇల్లు నిర్మించుకునేలా ప్రయత్నించాలి. చాణక్యుడు సూచించిన మార్గాల్లో ఇల్లు నిర్మించుకుని ముందుకు వెళ్లాలని సూచించాడు.
