Chiranjeevi :
పవర్ స్టార్ పవన్ కల్యాణ్‌ బర్త్ డే సందర్భంగా సోషల్ మీడియా వేదికగా ఆయనకు శుభాకాంక్షలు వెల్లువలా వచ్చాయి. ఒక వైపు ఆయన కొత్త సినిమా అప్ డేట్స్.. మరో వైపు కో స్టార్స్, పొలిటీషియన్స్ విషెస్ తో సోషల్ మీడియా నిండిపోయింది. పవన్‌కు సంబంధించిన హ్యాష్ ట్యాగ్‌ ట్రెండింగ్‌లో ఉన్నాయి. పవన్‌తో ఉన్న అనుబంధాన్ని పంచుకుంటూ కొందరు నటులు ఆయనతో దిగిన ఫొటోలను షేర్ చేస్తున్నారు. చిరంజీవి ఓ అరుదైన ఫొటోను షేర్ చేశారు.
*‘జనహితమే లక్ష్యంగా, వారి ప్రేమే ఇంధనంగా నిరంతరం సాగే నీ ప్రయాణంలో, నీ ఆశయాలు సిద్ధించాలని ఆశిస్తూ, ఆశీర్వదిస్తున్నాను. ఉన్నత భావాలు, గొప్ప సంకల్పాలు ఉన్న ఈ జన హృదయ సేనాని.. నా తమ్ముడైనందుకు గర్విస్తున్నాను. పుట్టినరోజు శుభాకాంక్షలు కల్యాణ్‌ బాబూ’- అంటూ చిరంజీవి ట్వీట్ చేశాడు.
*‘నా గురువు, చిన్న మామయ్యకు హృదయపూర్వక జన్మదిన శుభాకాంక్షలు. నాకు మాత్రమే కాదు.. కొన్ని లక్షల మందికి మార్గదర్శకుడిగా ఉన్నందుకు ధన్యవాదాలు – అంటూ మేనల్లుడు సాయి ధరమ్‌ తేజ్‌ ట్వీట్ చేశాడు.
*పవర్ స్టార్ పవన్ కల్యాణ్‌కు హృదయపూర్వక జన్మదిన శుభాకాంక్షలు. ఆయన ఆయురారోగ్యాలతో కలకాలం ఉండాలని కోరుకుంటున్నాను. – తెలంగాణ గవర్నర్ తమిళి సై ట్విటర్ ద్వారా శుభాకాంక్షలు తెలిపారు.
