Venkatesh : కుటుంబ కథా చిత్రాలు తీయడంలో వెంకటేష్ తరువాతే ఎవరైనా. ఫ్యామిలీ ఎంటర్ టైన్ మెంట్ హీరోగా ఆయనకు పేరుంది. ఏ చిత్రమైనా ఆయన చేస్తే బ్లాక్ బస్టరే అని చెప్పేవారు. అలా ఆయన తీసిన చిత్రాల సరళి చూస్తే మనకే అర్థమవుతుంది. దగ్గుబాటి వెంకటేష్ కాస్త విక్టరీ వెంకటేష్ గా మార్చుకున్నాడు. తనదైన సినిమాల నిర్మాణంతో కొత్త ఒరవడి కొనసాగించారు. మాస్ సినిమా అంటే వెంకీ మామనే అనేలా చేశాడు. విక్టరీ వెంకటేష్ విజయాలకు కారణాలేంటో చూద్దాం.
వరసగా హ్యాట్రిక్ లు కొట్టిన హీరోగా కూడా వెంకీకి పేరుంది. దీంతోనే విక్టరీ అనే బిరుదును దక్కించుకున్నాడు. కుటుంబ కథా చిత్రాలంటే వెంకటేష్ కు కొట్టిన పిండే. అందులో కాసుల వర్షం కురిపించాడు. టాలీవుడ్ లో మంచి కలెక్షన్లు తీసుకొచ్చిన చిత్రం కలిసుందాం రా. దీనికి ఉదయ శంకర్ దర్శకుడు. మొదట అంజలా జవేరీ హీరోయిన్ అనుకున్నా చివరి క్షణంలో సిమ్రాన్ ను తీసుకున్నారట. అప్పట్లో ఈ సినిమా రూ.25 కోట్లు కొల్లగొట్టి కొత్త చరిత్రకు శ్రీకారం చుట్టింది. దేశంలోనే ఇదో రికార్డు అని అప్పట్లో గుర్తించారు. దీంతో ఆ రికార్డును ఇప్పటి వరకు ఎవరు బ్రేక్ చేయకపోవడం విశేషం.
ఈ సినిమాకు మురుగదాసు కూడా స్ర్కిప్ట్ రైటింగ్ విభాగంలో పనిచేశాడట. అలా ఈ సినిమా రూ.4 కోట్లతో నిర్మించినా విడుదలైన 78 కేంద్రాలలో శతదినోత్సవం జరుపుకోవడం విశేషం. ఇంతవరకు ఏ సినిమా కూడా ఇంతటి ఘనత సాధించలేదంటే అతిశయోక్తి కాదు. 14 కేంద్రాలలో 175 రోజులు 4 సెంటర్లలో 200 రోజులు ఆడిన చిత్రంగా రికార్డు నిలబెట్టుకుంది.
అప్పట్లో రెండు కోట్ల 50 టికెట్లు అమ్ముడుపోయిన సినిమాగా కూడా రికార్డుల్లో నిలిచింది. ఇంతవరకు ఆ రికార్డును ఎవరు బద్దలు కొట్టలేదు. అలా వెంకటేష్ సినిమా కలిసుందాం రా ఇన్ని రకాల రికార్డులు బద్దలు కొట్టడం విశేషం. ఇంతవరకు ఆ రికార్డులు ఎవరు కూడా తిరగ రాయలేదు. విక్టరీనే ఇంటిపేరుగా మలుచుకున్న నటుడిగా వెంకీ చరిత్రలో నిలిచిపోతాడు.