Ramcharan upasana ‘Clinkara’ : వివాహం జరిగి సుధీర్ఘ (దాదాపు 10 సంవత్సరాలు) గ్యాప్ తర్వాత రాం చరణ్-ఉపాసన తల్లిదండ్రులయ్యారు. కెరీర్ లో ముందు కెళ్లడం.. లాంటి కారణాలతో చాలా కాలం పిల్లలకు దూరంగా ఉన్న ఈ జంట. ఇటీవల ఆడ శిశువుకు జన్మనిచ్చారు. ఆమె పుట్టినప్పటి నుంచి ఇటు టాలీవుడ్, అటు బాలీవుడ్ లో చాలా మంది ప్రముఖులు, హీరోలు, డైరెక్టర్ రాం చరణ్ కు విషెస్ చెబుతూనే ఉన్నారు.
ఆ చిన్నారి కొణిదెల ఇంటిలో అడుగు పెట్టినప్పటి నుంచి మెగా ప్రిన్సెస్ వచ్చిందని సంబుర పడుతున్నారు. తాతలు, అమ్మలు. నాయనమ్మ-తాతయ్య సురేఖ-చిరంజీవి, అమ్మమ్మ-తాతలు శోభన-అనిల్ నిత్యం చిన్నారితో ఉంటున్నారట. ఆమెనే ఎత్తుకొని ఆడిస్తున్నారట. ఎక్కువ సమయాన్ని చిన్నారికి కేటాయిస్తున్నారట చిరంజీవి. ఇక రాం చరణ్ కూడా చిన్నారితో ఎక్కువ సమయం గడిపేందుకు షూటింగ్ కు బ్రేక్ ఇచ్చారట.
ఆమెకు ‘క్లింకారా’ అనే పేరు కూడా పెట్టారు. నిన్న (ఆగస్ట్ 15) జరిగిన స్వాతంత్ర దినోత్సవ వేడుకల్లో క్లింకార పాల్గొన్నదట. చిన్ని చిన్ని చేతులతో జెండా తాడును లాగుతున్న ఫొటోను ఉపాసన సోషల్ మీడియాలో షేర్ చేసింది. ‘క్లీంకార ఫస్ట్ ఇండిపెండెన్స్ డే విత్ అమ్మమ్మ-తాతయ్య. అమూల్యమైన క్షణాలు’ అంటూ రాసింది ఉపాసన.
ఇప్పటి వరకు చిన్నారి పిక్ ను షేర్ చేయడం గానీ, మీడియా ఎదుట చూపించడం కానీ చేయలేదు మెగా దంపతులు. జెండా పండుగలో పాల్గొనడంతో కొంచెం ఫేస్ కనిపిస్తుంది. ఈ మాత్రం ఫేస్ కే మెగా ఫ్యాన్స్ తెగ మురిసిపోతున్నారట. అచ్చం తాత చిరంజీవి పోలికలే వచ్చాయని కామెంట్లు కూడా పెడుతున్నారు.