Music Director Anirudh : సౌత్ ఇండస్ట్రీలో యంగ్ అండ్ టాలెంటెడ్ మ్యూజిక్ డైరెక్టర్లలో అనిరుధ్ రవిచంద్రన్ ఒకరు.. ఈయన కోలీవుడ్ లో టాప్ మ్యూజిక్ డైరెక్టర్ అనే చెప్పాలి.. కోలీవుడ్ లో తనకంటే సీనియర్స్ అందరిని బీట్ చేసి టాప్ ప్లేస్ లో నిలిచాడు.. మొదట్లో పలు విమర్శలు వచ్చిన అన్నిటిని తట్టుకుని నిలబడి ఈ రోజు టాప్ మ్యూజిక్ డైరెక్టర్ గా వెలుగు వెలుగు తున్నాడు.
అనిరుద్ మొదటిసారిగా ధనుష్ నటించిన ‘3’ సినిమాకు మ్యూజిక్ అందించారు. ఆ సినిమాలో వై థిస్ కొలవెరీ’ అనే సాంగ్ తో సెన్సేషన్ క్రియేట్ చేసి ఎవరు ఈ కుర్ర మ్యూజిక్ డైరెక్టర్ అని అందరి చూపు తన మీద పడేలా చేసుకున్నారు. ఈ సినిమాతో బాగా ఫేమస్ అయిన అనిరుద్ నెక్స్ట్ సినిమాల విషయంలో కొన్ని విమర్శలు అందుకున్నాడు.
అయినా మెల్ల మెల్లగా ఒక్కో సినిమాను సూపర్ హిట్ చేసుకుంటూ ఈ రోజు సెన్సేషనల్ మ్యూజిక్ డైరెక్టర్ గా భారీ క్రేజ్ అందుకున్నాడు. ఈయన కోసం దర్శక నిర్మాతలు, హీరోలు క్యూ కట్టేలా చేసుకున్నాడు.. ఇటీవలే బాలీవుడ్ స్టార్ హీరో షారుఖ్ ఖాన్ నటించిన ”జవాన్” సినిమాకు మ్యూజిక్ అందించి మరో బ్లాక్ బస్టర్ తన ఖాతాలో వేసుకున్నాడు.
మరి అలాంటి యంగ్ మ్యూజిక్ డైరెక్టర్ ఈ రోజు పుట్టిన రోజు జరుపు కుంటున్నారు. 1990, అక్టోబర్ 16న ఈయన జన్మించగా ఈ రోజు బర్త్ డే జరుపు కుంటున్నారు. ఈ క్రమంలోనే ఈ యంగ్ డైరెక్టర్ కు ఫ్యాన్స్ తో పాటు సినీ ప్రముఖులు పుట్టిన రోజు విషెష్ చెబుతూ సోషల్ మీడియాలో సందడి చేస్తున్నారు. మరి మనం కూడా ఈయన ముందు ముందు మరిన్ని విజయాలను అందుకోవాలని ఆశిద్దాం..
