‘OG’ Teaser :
పవర్ స్టార్ పవన్ కళ్యాణ్ సెప్టెంబర్ 2న అంటే ఈ రోజు తన పుట్టిన రోజు జరుపు కుంటున్నారు. మాస్ లో పవర్ స్టార్ కు ఏ హీరోకు లేనంత స్టార్ డమ్ ఉంది.. దీంతో ఈయన పుట్టిన రోజున ఫ్యాన్స్ జాతర మామూలుగా లేదు.. తెలుగు రాష్ట్రాల్లో ఈయన బర్త్ డే వేడుకలు ఘనంగా జరుగుతున్నాయి.. ఆఫ్ లైన్ లోనే కాదు ఆన్ లైన్ లో కూడా వీరి సందడి మాములుగా లేదు.
సోషల్ మీడియాను వేదికగా చేసుకుని బర్త్ డే విషెష్ చెబుతూ రచ్చ రచ్చ చేస్తున్నారు. ఇక ఈయన పుట్టిన రోజు వస్తుందంటే ఫ్యాన్స్ ముందుగా ఈయన సినిమాల నుండి ఎలాంటి ట్రీట్ వస్తుందా అని ఎదురు చూస్తుంటారు.. మరి ఆ సమయం ఇప్పుడు రావడంతో ఫ్యాన్స్ లో మరింత ఎగ్జైట్ మెంట్ పెరిగింది. ఇప్పటికే ఈయన నటించిన వీరమల్లు నుండి ట్రీట్ వచ్చేసింది.
ఇక ఇప్పుడు పవన్ నటిస్తున్న మోస్ట్ ఏవైటెడ్ మూవీ ”ఓజి” నుండి కూడా ట్రీట్ అదిరిపోయింది. ముందుగా చెప్పినట్టుగానే 10. 35 కు ఈ సినిమా నుండి టీజర్ ను రిలీజ్ చేసారు మేకర్స్.. ఈ సినిమాను యంగ్ అండ్ టాలెంటెడ్ డైరెక్టర్ సుజీత్ డైరెక్ట్ చేస్తున్నాడు. ప్రముఖ నిర్మాత డివివి దానయ్య ఈ సినిమాను భారీ స్థాయిలో నిర్మిస్తుండగా థమన్ సంగీతం అందిస్తున్నారు.
ఇక సెప్టెంబర్ 2 న పవర్ స్టార్ పుట్టిన రోజు కానుకగా టీజర్ ను చెప్పిన సమయానికి రిలీజ్ చేసి స్పెషల్ ట్రీట్ ఇచ్చారు. ముంబై నేపథ్యంలో భారీ గ్యాంగ్ స్టర్ కథగా ఈ సినిమాను తెరకెక్కిస్తున్నట్టు టీజర్ తో కన్ఫర్మ్ అయ్యింది. ఈ టీజర్ లో పవన్ యాక్షన్ ఆయన లుక్స్ అన్ని ఆకట్టుకునేలా ఉన్నాయి.
ఇక ఈ గ్లింప్స్ మొత్తం పవర్ స్టార్ పాత్రను ఎలివేట్ అయ్యేలా చూపించారు. పవన్ ను చూపించిన తీరు గూస్ బంప్స్ తెచ్చాయి. అలాగే థమన్ అందించిన బీజీఎమ్ కూడా ఆకట్టుకుంది. మొత్తానికి పవర్ స్టార్ ఫ్యాన్స్ కు ఈ సినిమాతో ఫుల్ మీల్స్ లభించినట్టే అని చెప్పాలి.